Barelee Kaanvad Yaatra Ke Liye Khairam Mein Police Ne Baante 'Red Card', Dare Musalmaanon Ne Chhoda Gaanv

Breaking »

Barelee Kaanvad Yaatra Ke Liye Khairam Mein Police Ne Baante 'Red Card', Dare Musalmaanon Ne Chhoda Gaanv

Bareli Uttar pradesh ke bareli jile mein khailam gaanv hai. Guruvaar ko yahaan se kaanvad yaatra nikli thi. Bareli jile ke muslim baahulya is gaanv mein pichhle saal shivraatri ke din saampradaayik hinsa hui thi. Yahaan is baar saampradaayik vibhaajan saafataur par najar aa raha tha. Ek taraf jahaan Shiv mandir ki or jaane waali len mein kaanvadiya deeji ke tej sangeet par naach rahe the vaheen ilaake mein sannaata pasara tha. Beete kuchh dinon mein yahaan rahane vaale adhikaansh muslim parivaar apna ghar aur gaanv chhodkar palaayan kar gaye hain. Unhein dar tha ki bavaal hone par police unke khilaaf kaarravaai karegi. Yeh khauf us samay badh gaya jab aleeganj ke esaechao vishaal prataap Singh ki taraf se yahaan ke 250 parivaaron ko 'Red card' diye gaye. Ye card unke liye chetaavani the ki kaanvad yaatra ke dauraan koi sharaarat naheen honi chaahiye. Padhein: UP: Kaanvadiyon par police ne helikauptar se fool barasaakar kiya svaagat Guruvaar ko dopahar lagbhag saadhe baarah baje 150 kaanvadiyon ka ek samooh udhar se gujara. Ek traiktar mein DJ laga tha aur sabhi kaanvadiye tej sangeet mein naach-ga rahe the. Ve Gauri shankar mandir pahunche aur vahaan jalaabhishek kiya. Is dauraan yahaan bhaari police fors tainaat raha. Itna hi naheen police fors kaanvadiyon ke saath Shiv mandir tak gaya. Kaanvad yaatra nikle ke dauraan sadkon par sirf kuchh jaanavar aur bujurgon ke alaava koi aur najar naheen aaya. Esaechao ne kaha ki red card hinduon aur musalmaanon donon ko diye gaye the. Yeh sirf isliye kiya gaya taaki ilaake mein shaanti bani rahe. Padhein: 'DJ bajava diye yogi ne', kaanvad yaatra mein yogi ke geet machaayeinge dhoom Ilaake mein rahane vaale ayoob Khan (70) ne bataaya ki vah ek musalmaan hain. Unki Shiv mandir vaale raaste mein ek chhoti se dukaan hai. Vah dashakon se is gaanv mein rah rahe hain. Sirf pichhle saal unhonne ilaake mein kaanvad yaatra ke dauraan hinsa dekhi. Vaastav mein yahaan ke log khud hinsa ko lekar hairaan the. Padhein: Naheen poochhate doobate insaan ka majahab, kaanvad yaatra mein gotaakhori ke liye aage aae muslim yuvak Ayoob ne kaha ki pichhle saal jo hinsa hui vah kuchh baahari sharaarati tatvon ne yahaan aakar ki thi. Us ghatna ke baad police ne 250 logon ke khilaaf FIR darj ki thi. Un 250 logon mein adhikaansh musalmaan the. Logon mein is baar khauf tha ki agar kuchh hua to police unke khilaaf fir se kaarravaai karegi isliye unhonne gaanv chhodkar kaheen aur chale jaana hi munaasib samjha. Is khabar ko angreji mein padhein.

Barelee Kaanvad Yaatra Ke Liye Khairam Mein Police Ne Baante 'Red Card', Dare Musalmaanon Ne Chhoda Gaanv http://www.angrejinews.com/pic/217844