Bangladesh Mein Hindu Mahila Ko Dafanaane Par 4 Saal Baad Aaya Faisala

Breaking »

Bangladesh Mein Hindu Mahila Ko Dafanaane Par 4 Saal Baad Aaya Faisala

Dhaaka Bangladesh ke sarvochch nyaayaalaya ne apne aadesh mein ek aisi hindu mahila ke shav ko uske pati ke shav ke saath dafanaae jaane ka aadesh diya hai, jisne 4 saal pehle aatmahatya kar li thi. Mahila ne dharm parivartan kar ke islaam apnaaya tha. Court ke aadesh ke saath hi doosare dharm mein vivaah ko lekar chal rahe vivaad par bhi ankush lag gaya. Husne ara laajoo ne humaayoon fareed laajoo se saal 2013 mein shaadi karne ke baad islaam apna liya tha. Haalaanki, mahila ke parivaar ka kehna hai ki unki beti ne aatmahatya se pehle dobaara hindu dharm mein parivartan kiya tha. Donon ke parivaaravaalon ne muslim aur hindu ke beech shaadi ka virodh kiya aur shaadi todne ka dabaav banaaya. Ladki ke pita ne police mein ladke ke khilaaf kidnaiping ka case tak file kar diya. Vivaad se tang aakar saal 2014 mein hi mahila ke pati ne aatmahatya kar li thi. Lekin jab usaki patni ne sirf 2 maheene baad hi jahar khaakar jaan di to yeh maamala surkhiyon mein aa gaya. Ladki ke parivaaravaale maamale ko lekar court pahunch gaye ki aakhir use dafnaaya kaise ja sakta hai. Bata dein, ki Bangladesh mein doosare dharm mein shaadi karne ke behad kam maamale saamane aate hain, isliye is case par sabki kareebi najar bani hui thi. Mahila ke parivaar ne hindu reeti-rivaaj se usaka antim sanskaar kiye jaane ki maang ki thi, jabki ladke ke parivaaravaalon ka kehna tha ki use pati ki kabr ke saath hi dafnaaya jaana chaahiye. Yeh maamala desh ke sarvochch nyaayaalaya mein pahuncha jahaan guruvaar ko court ne aadesh diya ki choonki mahila ne islaam apna liya tha isliye uske shav ko dafnaaya jaana chaahiye. Haalaanki, parivaaravaalon ne yeh daava kiya ki beti ne pati ki maut ke baad dobaara hindu dharm apna liya tha. Lekin court ne is daave ko khaarij karte hue kaha ki mahila ke shav ko shavagruh se do din ke andar baahar nikaala jaae. Court ne yeh bhi aadesh diya ki shav dafanaae jaane ke dauraan police suraksha di jaae. Bata dein ki Bangladesh ki aabaadi mein 90 pratishat muslim hain aur hinduon ki sankhya 10 pratishat se bhi kam hai.

Bangladesh Mein Hindu Mahila Ko Dafanaane Par 4 Saal Baad Aaya Faisala http://www.angrejinews.com/pic/201135