Bangladesh Mein Bas Haadase Mein 17 Ki Maut

Breaking »

Bangladesh Mein Bas Haadase Mein 17 Ki Maut

Dhaaka: Bangladesh ke dakshin-poorv mein ek sookhi nadi mein muslim teerthayaatriyon se bhari bas ke palat jaane se paanch mahilaaon sahit kam se kam 17 yaatriyon ki maut ho gayi. Dakshin poorv bandargaah shahar chatagaanv ke kareeb maijabhandaari dargaah mein ek dhaarmik aayojan mein hissa lene ke liye 43 yaatriyon ko liye bas shanivaar ko Gazipur se chali thi. Durghatana Bangladesh ki rajdhani se 296 kilometer door koks baajaar jile mein hui. Ek police adhikaari ne bataaya, 16 yaatriyon ki maut tatkaal ho gayi aur ek naabaalig ladke ki aspataal le jaane ke kram mein maut ho gayi. Daily star ne bataaya ki marne vaalon mein paanch mahilaaen theen, jabki haadase mein 18 anya ghaayal hue. Baaloo se bhari lagbhag sookhi maataamuhoori nadi ke 30 fut upar bane pul ki reling todti hui bas al subah neeche ja giri. Paas ke sainya pratishthaan se sainik bachaav abhiyaan mein shaamil hue. Police adhikaariyon ne bataaya ki yaatri dhaaka ke baahari upanagar Gazipur ke rahane vaale the aur dhaarmik samaaroh mein bhaag lene ja rahe the.

Bangladesh Mein Bas Haadase Mein 17 Ki Maut http://www.angrejinews.com/pic/1648