Bangalore Ke Khilaaf Mili Yeh Jeet Avishvasaneeya Hai Gautam Gambhir

Breaking »

Bangalore Ke Khilaaf Mili Yeh Jeet Avishvasaneeya Hai  Gautam Gambhir

Shaarajaah: Kolkata Knightriders ke kaptaan Gautam gambhir ne IPL mein royal Challengers Bangalore par mili do run ki jeet ko avishvasaneeya karaar dete hue kaha ki vah jaante the ki puraani geind par shot lagaana aasaan naheen hoga. Bangalore ki team ki jeet ek samay aupachaarikta lag rahi thi, lekin aakhiri kshanon mein kekeaar ne naatakeeya vaapasi ki. Kris lin ka aakhiri over mein seema rekha par liya gaya AB DeVilliers ka catch nirnaayak saabit hua. gambhir ne match ke baad kaha, yeh avishvasaneeya jeet hai. Bhaagya hamaara saath deta hai aur ham iske hakdaar the, kyonki kai baar humne aakhiri geind par jeet darj ki. Geind puraani padne par us par shot maarana aasaan naheen tha. Isliye hamein pata tha ki jab geind puraani ho jaaegi, to hamaare paas vaapasi ka mauka rahega. Kolkata ne pehle ballebaaji ka nyota milne par saat wicket par 150 run banaae, jiske javaab mein Bangalore paanch wicket par 148 run hi bana paaya. Gambhir ne haalaanki maana ki unke ballebaajon ko aage achha pradarshan karna hoga. Unhonne kaha, kris ne achhe run banaae aur baad mein soorya (sooryakumaar Yadav) ne bhi upayogi yogadaan diya, lekin ballebaaji mein sudhaar karne ki jaroorat hai. Bangalore ke kaptaan viraat Kohli jeet ke kareeb pahunchane ke baad haar se niraash the. Unhonne kaha, kekeaar ne match naheen jeeta, humne haath mein aaya match ganvaaya. Humne vaastav mein achhi cricket khelkar unhein bada score naheen banaane diya. Iske baad achhi saajhedaariyaan nibhaain, lekin aakhiri overon mein gadbadi kar gaye. Lin ko main of the match chuna gaya.

Bangalore Ke Khilaaf Mili Yeh Jeet Avishvasaneeya Hai Gautam Gambhir http://www.angrejinews.com/pic/48560