Balaatkaar Ke Baad Shaadi Fir Hatya, Ab Hui Umrakaid

Breaking »

Balaatkaar Ke Baad Shaadi Fir Hatya, Ab Hui Umrakaid

Mumbai Thaane nyaayaalaya ne apne ek faisale mein mahila ke hatyaare pati ko aajeevan kaaraavaas ki saja sunaai hai. Nyaayaalaya ne saja ke saath us par 60 hajaar rupaye ka aarthik dand bhi lagaaya hai. Bata dein ki hatyaare mukesh bhandaari ne pehle mahila ke saath balaatkaar kiya tha aur fir usase vivaah kar usaki hatya kar di thi. Kalyaan nivaasi mukesh ne 2015 mein kovili gaavan ki rahane waali 26 varsheeya yuvati se balaatkaar kiya tha. Use mahaatma fule police ne giraftaar kar liya. Jamaanat par riha hone ke baad saamaajik dabaav ke chalte bhandaari ne usase 12 April 2015 ko shaadi kar li. Haalaanki shaadi ke baad bhi donon ke beech katuta bani rahi. 9 June 2015 ko mukesh ne sasuraal mein phone kar bataaya tha ki usaki patni maayake ke liye gusse mein ghar se nikal gayi hai. Udhar, beti ke maayake naheen pahunchane par maayakevaalon ne usaki khojabeen ki aur gumshudgi ki shikaayat police mein darj kara di. Kuchh din baad mahila ke shav ko police ne bhivandi se baraamad kiya. Police ne mukesh ko hatya ke aarop mein giraftaar kiya tha. Antim faisale mein nyaayaadheesh peepi jaadhav ne mukesh ko hatya ka doshi karaar diya aur use aajeevan kaaraavaas ki saja sunaai hai.

Balaatkaar Ke Baad Shaadi Fir Hatya, Ab Hui Umrakaid http://www.angrejinews.com/pic/218248