Bakareed Par CM Yogi Ka Aadesh- Khule Mein Na De Koi Bali, Naali Mein Khoon Na Dikhe

Breaking »

Bakareed Par CM Yogi Ka Aadesh- Khule Mein Na De Koi Bali, Naali Mein Khoon Na Dikhe

Lucknow Uttar pradesh ke mukhyamantri yogi aadityanaath ne bakareed tyohaar ke maddenajar shanivaar raat ko pradesh bhar ke adhikaariyon ko vidiyo kaunfreinsing ke jariye sambodhit kiya. CM yogi ne police aur prashaasanik adhikaariyon ko sakht nirdesh diye hain ki kaheen par bhi jaanavar khule mein na kaate jaaen aur na hi kaheen maans ke tukadon ya khoon ko naaliyon mein bahaaya jaae. Is nirdesh ke peechhe saanpradaayaki sauhaard ko banaae rakhane ka maksad bataaya gaya hai. Sootron ke mutaabik, CM ne adhikaariyon ko nirdesh diye hain ki jilon mein bijli aur paani ki saplaai durust rahe aur kaanoon vyavastha ko bhi durust rakha jaae. Iske saath hi yeh bhi nirdesh diye gaye hain ki jaanvaron ko khule mein na kaata jaae. Shaanti banaae rakhane ko kaam par prashaasan Mujaffaranagar ke jilaadhikaari Rajiv sharma ne kaha, 'Ham poori koshish kareinge ki mukhyamantri ke aadesh ko laagoo kiya jaae. Humne jile ke vibhinn adhikaariyon ke saath meeting ki hai. Somvaar ko adhikaariyon ke saath-saath donon samudaayon ke varishth logon ke saath meeting ki jaaegi. ' CM yogi ne yeh bhi nirdesh diye hain ki jin jilon mein kaanvad yaatra nikal rahi hai, vahaan vishesh dhyaan diya jaae. Ek police adhikaari ne bataaya, 'CM ka aadesh hai ki raajya bhar mein bakareed paaramparik roop se hi manaai jaaegi lekin kaheen bhi khule mein jaanvaron ki bali chadhaane ki anumati naheen hogi. ' bata dein ki deshbhar mein 22 August ko bakareed ka tyohaar manaaya jaaega.

Bakareed Par CM Yogi Ka Aadesh- Khule Mein Na De Koi Bali, Naali Mein Khoon Na Dikhe http://www.angrejinews.com/pic/219269