Bajat Mein Is Baar Yojana Vyaya Mein Ho Sakti Hai Bhaari Katauti

Business »

Bajat Mein Is Baar Yojana Vyaya Mein Ho Sakti Hai Bhaari Katauti

Nai Delhi: Vitt mantraalaya raajakosheeya ghaate ko sakal ghareloo utpaad ke 4.8 feesadi ke daayare mein rakhane ke liye varsh 2013-14 ke yojana vyaya mein bhaari katauti kar sakta hai. Vittamantri pi Chidambaram ne chaaloo vittavarsh ke liye raajakosheeya ghaate ko 5.3 feesadi aur agale vittavarsh mein 4.8 feesadi tak seemit rakhane ki pratibaddhata jataai hai. Is lihaaj se vittamantri ke liye sthitiyaan kaafi kathin hongi. Sootron ne bataaya ki agale vittavarsh mein yojana vyaya par gaaj gir sakti hai, taaki raajakosheeya ghaate ko tay lakshya ke mutaabik 2016-17 tak ghataakar teen feesadi par laaya ja sake. Sootron ke anusaar mantraalaya dhan ke aavantan par bhi kadi najar rakh sakta hai. Agale saal ke bajat mein raashi aavantan se pehle chaaloo vittavarsh mein aavantit dhan aur uske istemaal par gaur kiya ja sakta hai. Mahaalekhaaniyantrak ke aankadon ke anusaar December, 2012 tak kul yojana kharch bajat mein anumaanit raashi ka 56.8 pratishat raha hai. Haalaanki, is dauraan gair-yojana raashi bajat anumaan ka 72 pratishat tak rahi yaani 6.95 lakh karod rupaye tak pahunch gaya. Vitt mantraalaya ne chaaloo vittavarsh ke dauraan raajakosheeya ghaate ko 5.3 pratishat ke daayare mein rakhane ke liye sabhi sarkaari vibhaagon ko January-March timaahi ke dauraan kharchon ko kul vaarshik aavantan ka 33 pratishat kam rakhane par jor diya hai. Sarkaar ne samaapt vittavarsh mein raajakosheeya ghaate ko 5.1 pratishat ke shuruaati anumaan se badhaakar 5.3 pratishat kar diya.

Bajat Mein Is Baar Yojana Vyaya Mein Ho Sakti Hai Bhaari Katauti http://www.angrejinews.com/pic/974