Badi Series Se Pehle Match Abhyaas Hamesha Achha Hota Hai Sachin

Cricket »

Badi Series Se Pehle Match Abhyaas Hamesha Achha Hota Hai  Sachin

Mumbai: Australia ke khilaaf test shrunkhala se pehle shatak jamaane vaale senior ballebaaj sachin Tendulkar ne kaha ki Irani cup match mein kheli gayi is paari se unhein jaroori match abhyaas mil gaya hai. Tendulkar ne chauthe din ke khel ki shuruaat se pehle kaha, Australia ke khilaaf hamein badi shrunkhala khelani hai. Har koi usaki taiyaari mein juta hai. Badi shrunkhala se pehle match abhyaas milna hamesha achha hota hai. Tendulkar ne shesh Bhaarat ekaadash ke khilaaf Ranji champion Mumbai ke liye shaanadaar shatak jamaaya. Bhaarat aur Australia ke beech chaar test maichon ki shrunkhala 22 February se chennai mein shuroo hogi. Apni paari ke baare mein Tendulkar ne kaha ki pitch ke anukool khud ko dhaalane mein unhein vakt laga. Unhonne kaha, is tarah ki pitch par uchhaal aur raftaar ko samajhne mein vakt lagta hai. Mujhe bhi laga. Doosari hi geind par mainne chauka maara, lekin shuroo mein geind balle par naheen aa rahi thi, lihaaja mainne apna samay liya. Unhonne yah bhi kaha ki unhonne apni shaili mein maamooli badlaav kiya hai.

Badi Series Se Pehle Match Abhyaas Hamesha Achha Hota Hai Sachin http://www.angrejinews.com/pic/1491