Badhi Takaraar, Sharad Ka Neeteesh Par Hamla, Kaha-JDU Meri Bhi Party

Breaking »

Badhi Takaraar, Sharad Ka Neeteesh Par Hamla, Kaha-JDU Meri Bhi Party

Patna JDU mein neeteesh Kumar aur sharad Yadav mein jaari tanaav ab satah par aa chuka hai. Donon neta ek doosare par sareaam hamla karna shuroo kar chuke hain. Rajyasabha mein party ke neta pad se hataae jaane se aahat sharad ne shanivaar ko Bihar ke CM par hamla bolte hue kaha ki JDU keval neeteesh Kumar ki hi party naheen hai. Sootron ke mutaabik sharad ke baagi rukh ke baad party mein toot tay maana ja raha hai. Sharad ne Bihar ke teen divseeya samvaad yaatra ke antim din shanivaar ko madhepura mein neeteesh par hamla bolte hue kaha, ' JDU sirf neeteesh Kumar ki party naheen hai, yeh meri bhi party hai. ' sharad apni yaatra ke dauraan logon se mile aur unase baatcheet ki. Unhonne janta se neeteesh Kumar ke BJP ke saath milkar sarkaar banaane par apni vyatha bataai. Neeteesh JDU ke raashtreeya adhyaksh hain aur party par unki pakad majaboot maani jaati hai. Sharad ne kaha, 'Bihar mein do JDU hai, ek sarkaari aur doosra janta ka. Party ke aise vidhaayak, neta jo apne niji hit ke liye sarkaar ke kareeb hain, vo neeteesh ke saath hain, lekin jo neta janta aur kaaryakartaaon ke kareeb hain vo mere saath hain. 'Sharad ke is bayaan ke baad JDU ka ab United rahana mushkil lag raha hai. Haalaanki sharad ne JDU dvaara unako Rajyasabha mein party ke neta pad se hataane par koi tippani karne se inkaar kar diya. Unhonne kaha, 'Jab main indira Gandhi se naheen dara to kisi aur se kya darna. Main sach bolne se naheen darata hoon. Main apne siddhaanton par kaayam rahata hoon. 'Sharad ne kaha, 'Mere saath de rahe party ke kuchh netaaon ke khilaaf kaarravaai ki gayi hai. Neeteesh ke saath khade neta mujhe samarthan karne vaale anya netaaon ko dhamaka rahe hain. ' sharad ne doharaaya ki vah abhi bhi mahaagathabandhan ke saath hain. Bihar ki 11 karod janta ne 2015 ke vidhaanasabha chunaav mein mahaagathabandhan ko paanch saal ke liye vote diya tha. Sharad ne kaha, 'BJP ke saath haath milaane aur Bihar mein sarkaar ke gathan ka faisala Bihar ke bahumat ke khilaaf tha. Raajya ki janta ne 2015 mein aarajedi, JDU aur Congress ko 5 saal ke liye bahumat diya tha. Janta ka faisala BJP ke netrutv vaale NDA gathabandhan ke khilaaf tha.

Badhi Takaraar, Sharad Ka Neeteesh Par Hamla, Kaha-JDU Meri Bhi Party http://www.angrejinews.com/pic/166366