Badh Sakte Hain Diesel, Kerosene, LPG Ke Daam

Business »

Badh Sakte Hain Diesel, Kerosene, LPG Ke Daam

Nai Delhi: Sarkaar jald hi diesel, kerosene tatha rasoi gas ke daam badha sakti hai, vaheen doosari taraf subsidy vaale saste cylinderon ki sankhya badhaakar nau karne ke prastaav par bhi alag se vichaar kar sakti hai. Sarkaar pratyek parivaar ko saalabhar mein diye jaane vaale saste cylinder ki sankhya maujooda chhah se badhaakar nau kar sakti hai. Iske liye alag se prastaav pesh kiya ja sakta hai iske saath hi sarkaar vijay Kelkar samiti ki sifaarishon par bhi gaur kar sakti hai. Samiti ne diesel ki keematon ko sarkaari niyantran se mukt karne ke saath-saath ghareloo gas cylinder ke daam badhaane ki sifaarish ki hai. Vitt mantraalaya ne raajakosheeya majabooti ke baare mein sujhaav dene ke liye Kelkar samiti ka gathan kiya tha. Samiti ne apni sifaarishon mein diesel ke daam chaar rupaye, kerosene ke daam mein do rupaye prati liter tatha LPG cylinder mein 50 rupaye prati cylinder vruddhi ki sifaarish ki hai. Petrolium mantri M veerappa moili ne kaha, 'Yeh ek prastaav hai. Yeh sirf prastaav ke star par hai. Mantraalaya is report par vichaar kar raha hai aur abhi is baare mein koi bhi nirnaya liya jaana hai. ' Mantri ne haalaanki, keematon mein sheegra badhotri ka sanket naheen diya lekin adhikaariyon ne naam ujaagar naheen karne ki shart ke saath bataaya ki Kelkar samiti ki sifaarishon ke aadhaar par ek prastaav sheegra hi cabinet mein pesh kiya jaaega. Agar is prastaav ko manjoori mili to daam badh sakte hain.

Badh Sakte Hain Diesel, Kerosene, LPG Ke Daam http://www.angrejinews.com/pic/66