Bade Parde Par Dar Ka Chehara Ban Rahi Hoon Bipasha Basu

Movies »

Bade Parde Par Dar Ka Chehara Ban Rahi Hoon  Bipasha Basu

Mumbai: Kai daraavani filmon mein kaam kar chukeen Bollywood abhinetri Bipasha Basu ka kehna hai ki ve bade parde par dar ka chehara ban gayi hain. Bipasha vishesh bhatt ki 'Raaj' aur 'Raaj-3', raamagopaal varma ki 'Darna jaroori hai', mahesh maanjarekar ki 'Rakt' jaisi filmon mein kaam kar chuki hain aur ab ve ek anya daraavani film 'Aatma' mein dikhne ki taiyaari mein hain. Bipasha ne kaha, mujhe lagta hai ki kuchh daraavani filmon mein kaam karne ke baad main dar ka ek chehara ban gayi hoon. Agar is tarah ki filmon ke liye main chalan tay karne waali banti hoon to mujhe koi pareshaani naheen. Agar kisi daraavani film ki vishay vastu aur aapka kirdaar usamein achha hai to fir ise karne mein kya buraai hai? 'Jism' ki abhinetri Bipasha ka maanana hai ki Bhaarat mein daraavani filmein abhi apne shuruaati daur mein hain aur filmkaaron ko nae vichaar lekar ismein aage aana chaahiye. Bipasha ne kaha, mujhe lagta hai ki Bhaarat mein daraavani filmein apni shuruaati avastha mein hain. Logon ko dar paida karne ke liye nae tareeke aajmaane chaahiye. Is kshetr mein kaafi majedaar cheejein khoji ja sakti hain. Suparn varma ke nirdeshan mein banane waali 'Aatma' mein Bipasha ke saath navaajuddeen Siddiqui pramukh bhoomika mein hain. Yeh film aagaami 22 March ko pradarshit hogi.

Bade Parde Par Dar Ka Chehara Ban Rahi Hoon Bipasha Basu http://www.angrejinews.com/pic/1760