Bachche Ki Hatya Ke Aarop Mein Saudi Arab Ne Shreelankaai Naukaraani Ka Sir Kalam Kiya

World »

Bachche Ki Hatya Ke Aarop Mein Saudi Arab Ne Shreelankaai Naukaraani Ka Sir Kalam Kiya

Colombo: Sri Lanka ke raashtrapati mahindra raajapakshe dvaara faansi diye jaane par rok ke aahvaan ke baavajood saudi arab ne varsh 2005 mein ek bachche ki hatya karne waali shreelankaai naukaraani ka sir kalam kar diya. Naukaraani is bachche ki dekh rekh karti thi. Rajdhani riyaad ke paas davaadami praant mein rijaana nafeef ka sir kalam kar diya gaya. Varsh 2007 mein nafeek ko hatya ka doshi karaar diya gaya tha. Haalaanki nafeek ne in aaropon ka khandan kiya tha. Sri Lanka ke akhbaar daily mirror ne apni report mein kaha ki shreelankaai raajadoot ko pichhle saptaah riha karne ka aashvaasan diye jaane ke baavajood saudi arab ne unhein (nafeek ko) faansi de di hai. Report mein kaha gaya hai ki sansad ke sadasyon ne nafeek ki yaad mein ek minute maun rakha.

Bachche Ki Hatya Ke Aarop Mein Saudi Arab Ne Shreelankaai Naukaraani Ka Sir Kalam Kiya http://www.angrejinews.com/pic/337