Baarish Kam Hui To Kam Ho Sakti Hai Growth Rate Bofa-ML

Business »

Baarish Kam Hui To Kam Ho Sakti Hai Growth Rate Bofa-ML

Mumbai aagaami maunasoon session mein saamaanya se kam baarish hui to chaaloo faainainshal iyar mein Bhaarat ki growth rate aadha-pauna feesadi kam ho sakti hai aur reserve bank ko intarest rate mein katauti ka faisala 2015 tak taalana pad sakta hai. Yeh baat bank of America meril linch (bofa-ML) ki ek report mein kahi gayi hai. America ki pramukh vitteeya company ne ek research report mein kaha 'Yadi baarish saamaanya hoti hai to growth badhkar 5.4 feesadi par pahunch jaani chaahiye jo pichhle saal 4.7 feesadi thi. Hamaara anumaan hai ki kam baarish se growth rate aadha-pauna feesadi prabhaavit hogi. ' report mein kaha gaya hai 'Saamaanya baarish rahi to kanjyoomar price index par aadhaarit mahangaai dar March 2015 tak ghatkar saat feesadi par aa sakti hai jisse December tak RBI ke liye daron mein katauti ki gunjaaish ban sakegi. Par al neenyo ke kaaran yadi maunasoon kamjor raha to khudara mahangaai badhkar aath se 10 feesadi par pahunch sakti hai jisse neetigat byaaj dar mein katauti 2015 tak tal jaaegi. ' bhaarateeya mausam vibhaag ne shukravaar apne poorvaanumaan mein kaha ki al neenyo ke asar ke se 2014 mein maunasooni varsha saamaanya se 5 feesadi kam rah sakti hai. Al neenyo prashaantasaagareeya garm jaladhaaraaon ke taapamaan mein achaanak badh jaane ki paristhiti hai. Is tarah ke haalaat 4 se 12 saal mein ek baar paida hote hain aur iska maunasoon par asar padata hai. Al neenyo ke chalte 2009 mein Bhaarat mein sookha pada tha. Haalaanki dyoosh bank ka anumaan hai ki kam baarish ka koi jyaada asar naheen hoga. Dyoosh bank ne kaha ki kul growth mein krushi kshetr ka yogadaan bahut kam hai. Filhaal Bhaarat ke sakal ghareloo utpaad mein krushi ka yogadaan 14 feesadi hai, haalaanki is kshetr mein sabse adhik log kaam karte hain.

Baarish Kam Hui To Kam Ho Sakti Hai Growth Rate Bofa-ML http://www.angrejinews.com/pic/48685