Baanglaadeshi Ghuspaithiyon Ka Vote Paane Ke Liye Modi Ko 'Gaali De Rahi Hain Mamata Arun Jetali

Breaking »

Baanglaadeshi Ghuspaithiyon Ka Vote Paane Ke Liye Modi Ko 'Gaali De Rahi Hain Mamata  Arun Jetali

Arun jetali ki file tasveer Arun jetali ki file tasveer Nai Delhi: Narendra Modi par teekhe prahaar kar raheen pashchim Bengal ki mukhyamantri mamata Bannerjee par BJP ne palatavaar karte hue aarop lagaaya ki avaidh baanglaadeshi ghuspaithiyon ke voton par najar tiki hone ke kaaran Trinamool Congress neta 'Lakshman rekha' paar karke BJP ke pradhaanamantri pad ke ummeedavaar ke prati gaali-galauch par utar I hain. BJP ke varishth neta arun jetali ne kaha, deedi itna gussa aur chintit kyon hain? Congress aur vaam dal to kendra mein sarkaar banaane naheen ja rahe hain. Maujood samasya nai Delhi naheen hai, yeh pashchim Bengal hai. . . Unhein khauf hai ki vikaas ki chaahat mein unhein satta mein laane vaala 15 pratishat vote is baar BJP ki taraf khisak sakta hai. jetali ne daava kiya ki 2014 ke Loksabha chunaav mein pashchim Bengal mein aashcharyajanak parinaam aaenge. Uttar pradesh ke baad BJP ka sabse adhik vote share pashchim Bengal mein badhne ki sambhaavana hai. Unhonne kaha, agar aisa hota hai aur mamata ko satta mein laane vaala 15 pratishat vote unase khiskata hai, to Trinamool neta ke paas unke teen tarah ke matadaata hi bacheinge, jinmein Trinamool ke paramparaagat samarthak, vaam se Trinamool mein aae 'Gunde' aur teesare Bangladesh se aae ghuspaithiye. jetali ne apne blog mein kaha ki jis 15 pratishat vote ki vajah se mamata satta mein I hain, vah 34 saal ke vaam shaasan mein vikaas avarooddh ho jaane se naaraaj hokar aur mamata ke 'Poreebortan' ke vaade par Trinamool ki or aaya tha. Kin deedi ka 'Poreebortan' sushaasan ya vikaas naheen hai. Yeh araajakata, booth kaipcharing aur avaidh ghuspaith ko badhaava dena hai. jetali ne kaha ki vikaas ki chaahat rakhane vaala yeh 15 pratishat vote BJP ki taraf aa sakta hai. Aise mein chunaav mein behtar pradarshan karne ke liye deedi ke paas avaidh baanglaadeshi ghusapaithiye hi aakhiri hathiyaar ke roop mein bachate hain aur iseeliye vah ghuspaith ko jaayaj thahara rahi hain aur Modi ko 'Gaali' de rahi hain.

Baanglaadeshi Ghuspaithiyon Ka Vote Paane Ke Liye Modi Ko 'Gaali De Rahi Hain Mamata Arun Jetali http://www.angrejinews.com/pic/50179