Baajaar Mein Susti Ke Beech Maruti Kaaron Par Jaari Rahegi Chhoot

Business »

Baajaar Mein Susti Ke Beech Maruti Kaaron Par Jaari Rahegi Chhoot

nai Delhi market mein susti ke baavajood desh ki sabse badi car company Maruti Suzuki bikri badhaane ke liye apni gaadiyon par chhoot jaari rakhegi. Maruti Suzuki India ke cheef faainainshal officer Ajay seth ne ek press conference mein kaha, 'Humne 31 March ko samaapt kvaurtarali mein gaadiyon par ausatan 17,500 rupaye ki riyaayat di hai. Baajaar ki sthiti mein sudhaar hone tak yeh chhoot jaari rahegi. ' chhoti kaaron par eksaaij duty ki daron ko 12 se ghataakar 8 feesadi kiye jaane ke baavajood baajaar raftaar naheen pakad saka hai. Vaheen, madhyam aakaar ki kaaron ke liye eksaaij duty ki daron ko 24 se ghataakar 20 feesadi kiya gaya hai, vaheen badi kaaron par eksaaij duty 27 se ghataakar 24 feesadi kiya gaya hai. Seth ne kaha, 'Hamein poochh-taachh mein aisi jaankaari mil rahi hai. Lekin yeh poochh-taachh bikri mein naheen badal rahi hai. Hamein ummeed hai ki jab ikaunami mein sudhaar hoga, yeh poochh-taachh bikri mein badlegi. ' February mein pesh antarim bajat mein eksaaij duty mein katauti company par ulati padi hai. January-March ki avadhi mein company ko is katauti ki vajah se deelaron ko 143 karod rupaye ka bhugataan karna pada hai. February mein eksaaij duty ki katauti ki ghoshana ke baad Maruti ne apni gaadiyon ke daam 8,502 se 30,984 rupaye tak ghataae the. Yeh poochhe jaane par ki kya Maruti bhi honda kaars India ya mahindra ki tarj par is maheene daam badhaaegi, seth ne kaha, 'Kamjor baajaar mein daam badhaane ka savaal kahaan paida hota hai? Baajaar dhaarana jab tak naheen badlegi, hamaari keematon mein badhotri ki koi yojana naheen hai. ' gaurtalab hai ki sarkaar dvaara uthaae gaye kadamon ke baavajood baajaar kamjor rahane ki vajah se company ne January mein keemat badhaane ka prastaav taal diya tha. 2013 mein Bhaarat mein 11 saal mein pehli baar kaaron ki saalaana bikri mein 9.59 feesadi ki giraavat I. Maariti ki yojana videshi baajaaron mein vistaar ke jariye apni bikri badhaane par hai. Saath hi, usaka dhyaan graameen baajaar par bhi hai. Seth ne kaha, 'Ham Africa, laitin America va pashchim Asia jaise baajaaron mein apni upasthiti badhaane par dhyaan de rahe hain. ' unhonne kaha ki company ghareloo graameen baajaar ke tahat 90,000 gaanvon tak pahunch chuki hai. Is sector mein vistaar ki kaafi sambhaavana hai. Seth ne kaha, 'Ham iske vistaar par dhyaan de rahe hain. Hamaari maarketing team ka kehna hai ki desh mein 6 lakh gaanv hai. Aise mein ham ismein behtar kar sakte hain. '

Baajaar Mein Susti Ke Beech Maruti Kaaron Par Jaari Rahegi Chhoot http://www.angrejinews.com/pic/48768