Baajaar Mein Chauthe Din Bhi Teji Hi Jaari, Sensex 19 Ank Chadha

Business »

Baajaar Mein Chauthe Din Bhi Teji Hi Jaari, Sensex 19 Ank Chadha

Mumbai: Desh ke share baajaaron mein shukravaar ko maamooli teji ka rukh raha. Pramukh soochakaank Sensex 19.30 ankon ki teji ke saath 19,784.08 par aur Nifty 6.65 ankon ki teji ke saath 6,016.15 par band hua. Mumbai stock exchange (BSE) ka 30 sheyaron par aadhaarit samvedi soochakaank Sensex 17.81 ankon ki teji ke saath 19,782.59 par khula aur 19.30 ankon yaani 0.10 feesadi ki teji ke saath 19,784.08 par band hua. Din ke kaarobaar mein Sensex ne 19,797.44 ke oopari aur 19,679.99 ke nichle star ko chhuaa. Sensex ke 30 mein 16 sheyaron mein teji aur 13 mein giraavat darj ki gayi. Gale India (1.90 feesadi), ONGC (1.79 feesadi), bhel (1.76 feesadi), TCS (1.50 feesadi) aur Wipro (1.47 feesadi) mein sarvaadhik teji darj ki gayi. Giraavat vaale sheyaron mein pramukh rahe tata steel (1.91 feesadi), starlight industries (1.64 feesadi), jindal steel (1.58 feesadi), Hindalco industries (1.34 feesadi) aur tata motors (0.79 feesadi). National stock exchange (NSE) ka 50 sheyaron par aadhaarit samvedi soochakaank Nifty 2.45 ankon ki teji ke saath 6,011.95 par khula aur 6.65 ankon yaani 0.11 feesadi ki teji ke saath 6,016.15 par band hua. Din ke kaarobaar mein Nifty ne 6,020.75 ke oopari aur 5,981.55 ke nichle star ko chhuaa. BSE ke midcap aur smallcap soochakaankon mein bhi teji ka rukh raha. Midcap 20.27 ankon ki teji ke saath 7,314.12 par aur smallcap 26.19 ankon ki teji ke saath 7,615.60 par band hua. BSE ke 13 mein se nau sectoron mein teji darj ki gayi. Tel evam gas (1.05 feesadi), saarvajanik companiyaan (1.02 feesadi), soochana praudyogiki (0.95 feesadi), praudyogiki (0.68 feesadi) aur bijli ( 0.46 feesadi) mein sarvaadhak teji darj ki gayi. Chaar sectoron dhaatu (1.01 feesadi), tej khapat upabhokta vastu (0.28 feesadi), vaahan (0.26 feesadi) aur poonjeegat vastuen (0.08 feesadi) mein giraavat rahi. BSE mein kaarobaar ka rujhaan sakaaraatmak raha. Kul 1521 sheyaron mein teji aur 1435 mein giraavat darj ki gayi, jabki 114 sheyaron ke bhaav mein koi parivartan naheen hua.

Baajaar Mein Chauthe Din Bhi Teji Hi Jaari, Sensex 19 Ank Chadha http://www.angrejinews.com/pic/70