BOI Ki Teesari Timaahi Ka Shuddh Laabh 12 Feesadi Badhkar 803 Karod

Business »

BOI Ki Teesari Timaahi Ka Shuddh Laabh 12 Feesadi Badhkar 803 Karod

Mumbai: Sarkaari kshetr ke bank of India (BOI) ko 31 December 2012 mein samaapt teesari timaahi mein 803.48 karod rupaye ka shuddh laabh hua hai, jo pichhle vitt varsh ki isi timaahi se 12.20 feesadi adhik hai. Company ne Mumbai share baajaar ko bheji soochana mein yeh jaankaari di. Isse pichhle saal ki isi timaahi mein bank ko 716.15 karod rupaye ka shuddh laabh hua tha. Aalochya timaahi mein bank ki kul aay bhi badhkar 8,959.83 karod rupaye par pahunch gayi, jo pichhle saal ki samaan timaahi mein 8,002.27 karod rupaye thi. December 2012 mein samaapt nau maah ke dauraan bank ka shuddh laabh 15.54 feesadi badhkar 1,992.76 karod rupaye par pahunch gaya, jo isse pichhle saal ki samaan avadhi mein 1,724.79 karod rupaye tha. Isi prakaar December mein samaapt nau maah ke dauraan bank ki aay badhkar 26,409.41 karod rupaye par pahunch gayi, jo isse pichhle saal ki isi avadhi mein 23,024.11 karod rupaye thi.

BOI Ki Teesari Timaahi Ka Shuddh Laabh 12 Feesadi Badhkar 803 Karod http://www.angrejinews.com/pic/401