BMW Ne Ex-1 Ka Naya Model Pesh Kiya, Keemat 28 Lakh

Business »

BMW Ne Ex-1 Ka Naya Model Pesh Kiya, Keemat 28 Lakh

Gurgaon: Germany ki lakjari car nirmaata company BMW ne guruvaar ko apne esayoovi ka shuruaati sanskaran ex-1 pesh kiya. Delhi shoroom mein is vaahan ki keemat 27.9 lakh rupaye hogi. Company ne varsh 2012 ke dauraan bhaarateeya baajaar mein 9,375 vaahan beche hain. Company ne kaha ki mushkil baajaar sthitiyon mein ham nae model pesh karke aur deelaraship network badhaakar apni vruddhi barkaraar rakhe hue hain. BMW India ke adhyaksh Phillip vaun saar ne kaha, is saal ham desh mein ek nishchit vruddhi ki ummeed kar rahe hain. Iske liye humne esayoovi ka shuruaati model ex-1 pesh kiya hai, jabki isi shrunkhala ka agala vaahan is saal ke ant tak baajaar mein utaara jaaega. Company ka naya vaahan ex-1 2000 CC ki engine kshamata vaala hai aur yah teen vikalpon mein upalabdh hoga. Iske shuruaati model ki keemat 27.9 lakh, jabki anya ki keemat 32.5 lakh rupaye tak hogi. Baajaar sthitiyon ke baare mein pratikriya dete hue company ke adhyaksh Phillip vaun saar ne kaha ki haalaanki aarthik sthitiyaan bahut achhi naheen hain, lekin ham is saal jyaada vaahan bechne ki ummeed kar rahe hain.

BMW Ne Ex-1 Ka Naya Model Pesh Kiya, Keemat 28 Lakh http://www.angrejinews.com/pic/1855