BJP Ne Ki Mamata Bannerjee Ko Lubhaane Ki Koshish

Breaking »

BJP Ne Ki Mamata Bannerjee Ko Lubhaane Ki Koshish

Kolkata: Trinamool Congress ki pramukh mamata Bannerjee ko lubhaane ka prayaas karte hue BJP adhyaksh Rajnath Singh ne kaha ki kendra mein BJP ki sarkaar banane par pashchim Bengal ke vikaas ke liye 'Bhaari-bharakam package' package diya jaaega. BJP adhyaksh ka yeh bayaan us vakt aaya hai, jab kuchh din pehle hi donon dalon ke beech kaafi teekhi bayaanbaaji hui. Beete 27 April ko shreeraamapur mein BJP ke pradhaanamantri pad ke ummeedavaar Narendra Modi dvaara mamata Bannerjee par hamla kiye jaane ke baad donon paartiyon ke beech talkhi badhi thi. Rajnath ne shukravaar ko kaha, agar aap (Trinamool Congress) ladna chaahati hai, to Congress ke saath ladein. Aap BJP ke saath kyon lad rahe hain? BJP ke saath ladna band kariye. Unhonne kaha, main aapko bharosa dilaata hoon ki Delhi mein hamaari sarkaar banegi. Pashchim Bengal ke vikaas aur yahaan se gareebi evam berojgaari door karne ke liye jitne bhi bhaari-bharakam package ki jaroorat hogi, ham use deinge. Modi ne mamata ki ek peinting ke 1.80 karod rupaye mein bikne ko lekar savaal khada kiya tha aur un par Bengal ke logon ko sapanon ko todne ka aarop lagaaya tha. Iske baad Trinamool ne un par teekha hamla kiya tha aur unhein 'Gujarat ka kasaai' tak karaar diya. Rajnath Singh ne midnaapur ke keshiyaari mein ek sabha ko sambodhit karte hue kaha ki agar BJP satta mein I, to Bangladesh se hone vaale avaidh palaayan se nipatne ko pramukh di jaaegi. Murshidaabaad mein Rajnath ne kaha, maakapa ne pashchim Bengal ko 34 saal ke shaasan mein barbaad kar diya aur log badi ummeed ke saath mamata Bannerjee ko satta mein laae, parantu satta mein aane ke baad unhonne logon ki akaankshaaon ko najaraandaaj kar diya.

BJP Ne Ki Mamata Bannerjee Ko Lubhaane Ki Koshish http://www.angrejinews.com/pic/49417