BJP Ko Rokane Ke Liye Teesare Morche Ke Samarthan Se Jude Gopaal Rai Ke Bayaan Par Aap Ki Muhar Naheen

Breaking »

BJP Ko Rokane Ke Liye Teesare Morche Ke Samarthan Se Jude Gopaal Rai Ke Bayaan Par Aap Ki Muhar Naheen

'Aap' neta gopaal rai (file tasveer) 'Aap' neta gopaal rai (file tasveer) Varanasi: aam aadmi party ne is baat ka khandan kiya hai ki vah BJP ko satta mein aane se rokane ke liye unki party thard frant ko samarthan de sakti hai. Isse pehle party ke varishth neta gopaal rai ne ek samaachaar agency se baatcheet mein yeh kaha tha. rai ne kaha tha ki vah gair-Congressi dharmanirpeksh gathajod ko muddon par aadhaarit samarthan de sakti hai. Loksabha chunaavon ke matadaan ka daur somvaar ko samaapt ho jaaega aur is beech gopaal rai ne kaha tha ki agar 16 May ko chunaav parinaam aane ke baad teesare morche ki sarkaar ke liye pahal hoti hai, to party use muddon par aadhaarit samarthan ki peshakash karne par vichaar kar sakti hai. gopaal rai ne kaha, agar aisi sthiti banti hai, jismein teesare morche ki sarkaar ko hamaare samarthan ki jaroorat hoti hai to haan, ham muddon par aadhaarit samarthan de sakte hain. Pichhle kuchh dinon mein BJP ko satta mein aane se rokane ke liye dharmanirpeksh kahalaane waali taakaton ke saath mein aane ki sambhaavana par baatcheet tej hui hai. sapa adhyaksh mulaayam Singh Yadav aur anya kai netaaon ne is tarah ki sambhaavana jataai thi. Aap sanyojak Arvind Kejriwal ke kareebi samajhe jaane vaale rai ne haalaanki saaf kiya ki party ki bhavishya ki bhoomika ke baare mein faisala chunaav parinaam ka vishleshan karne ke baad kiya jaaega. Unhonne kaha, hamaara aandolan aam aadmi ke liye hai aur nishchit roop se mudda aadhaarit samarthan hoga. Bhavishya ki kaarravaai ke baare mein antim faisala 16 May ke baad kiya jaaega, jab chunaav parinaamon ki ghoshana hogi. aap ne 422 Loksabha seaton par apne ummeedavaar utaare hain aur Kejriwal ne daava kiya tha ki unki party kam se kam 100 seaton par jeet darj karegi. Haalaanki rai ne aap ki seaton ki sankhya ko lekar anumaan naheen jataaya aur kaha ki party ka pradarshan ummeed ke anuroop naheen rahane par bhi sangharsh jaari rahega. haal hi mein Delhi vidhaanasabha chunaavon mein aam aadmi party ke jabaradast pradarshan ke baad party ke aala netaaon ne Loksabha chunaav mein bhi aashcharyajanak parinaam ki ummeed jataai hai. Party ko Punjab, Haryana aur Delhi mein achhe pradarshan ki ummeed hai. rai ne kaha, hamaara uddeshya yeh sunishchit karna hoga ki imaandaar raajaneeti ki aavaaj sansad mein pahunche. Fir yeh maayane naheen rakhata ki hamein 10 seatein milti hain ya 30 seatein. Unhonne kaha, ham vahaan pahuncheinge aur vyavastha parivartan ke liye dabaav banaaenge. pichhle hafte maakapa neta prakaash karaat ne kaha tha ki 1996 jaisi sthiti banane ki sambhaavana hai aur Congress kendra mein BJP ko aane se rokane ke liye dharmanirpeksh dalon ki sarkaar ko samarthan dene ke liye majaboor ho sakti hai. Unhonne kaha tha ki gair-Congressi aur gair-BJP dalon ka morcha Congress ke baahari samarthan se bahumat haasil kar sakta hai. basapa neta maayaavati ne shanivaar ko kaha tha ki unki party kisi morche mein shaamil naheen hogi. Paryaapt sankhya mein unke saansad aane se dharmanirpeksh taakatein unki or mukhaatib hongi. Congress upaadhyaksh Rahul Gandhi ne kuchh din pehle teesare morche ki sarkaar ko samarthan dene ki sambhaavana ko khaarij karte hue vishvaas jataaya tha ki UPA-3 sarkaar banegi, lekin mulaayam ne ummeed jataai thi ki Congress teesare morche ki sarkaar ko samarthan degi. rai ne kaha ki Kejriwal Varanasi mein Narendra Modi ke khilaaf maha-mukaabale mein jeet ke prati aashvast hain, kyonki banaaras ki janta badlaav chaahati hai. Unhonne kaha, agar Kejriwal jeetate hain, to imaandaar raajaneeti aage badhegi, vaheen agar Modi jeetate hain, to nafarat, dharm aur bhrashtaachaar ki raajaneeti chalti rahegi.

BJP Ko Rokane Ke Liye Teesare Morche Ke Samarthan Se Jude Gopaal Rai Ke Bayaan Par Aap Ki Muhar Naheen http://www.angrejinews.com/pic/50253