BJP Ke Saath Gathabandhan Hargij Naheen, Kabhi Bhi Naheen Mamata Bannerjee

Breaking »

BJP Ke Saath Gathabandhan Hargij Naheen, Kabhi Bhi Naheen  Mamata Bannerjee

Mamata Bannerjee ki file tasveer Mamata Bannerjee ki file tasveer Kolkata: Trinamool Congress adhyaksh mamata Bannerjee ne in khabaron ko sire se khaarij kar diya ki unki party BJP ke saath gathabandhan karegi. Unhonne do took shabdon mein kaha, aisa kabhi naheen hoga. mamata ne ek chunaav rally mein kaha, aisa kabhi naheen hoga. Kabhi bhi naheen. Congress ke kuchh baabuon ko TV channelon par aisa kehne ke liye kaha gaya hai, isliye vah yeh kah rahe hain ki ham BJP ke saath jaaenge. Trinamool pramukh ka seedha ishaara pashchim Bengal pradesh Congress samiti ke adhyaksh adheer chaudhari ki or tha. BJP adhyaksh Rajnath Singh ne NDA ke satta mein aane ki sthiti mein pashchim Bengal ko 'Achha package' dene ka vaada kiya, jiski prushthabhoomi mein chaudhari ne shanivaar ko yeh baat kahi thi. Unhonne (chaudhari ne) kathit taur par kaha, Rajnath Singh ne kal aisa kaha tha. Ham lambe samay se kehte aa rahe hain ki BJP tatha Trinamool Congress ke sambandh utaar-chadhaav vaale rahe hain. BJP ke saath gathabandhan se inkaar karte hue mamata ne kaha ki us party ke saath yeh sambhav naheen hai, jo raajya ko, bangaaliyon aur gair bangaaliyon ko vibhaajit karna chaahati hai. mamata ne BJP ke pradhaanamantri pad ke ummeedavaar Narendra Modi ka naam liye bina kaha, main lambe samay se raajaneeti mein hoon aur kabhi bangaaliyon tatha gair bangaaliyon ki raajaneeti mein naheen ulajhi. Yeh hamaari sanskruti mein naheen hai. Unhonne kaha, jo log Bihar, uttar pradesh, Punjab tatha anya raajyon se hain aur maaravaadi bhi. . . Tatha Bengal mein rah rahe hain, vah hamse kaheen jyaada bangaali hain.

BJP Ke Saath Gathabandhan Hargij Naheen, Kabhi Bhi Naheen Mamata Bannerjee http://www.angrejinews.com/pic/49509