BJP Ka Do-divseeya Raashtreeya Adhiveshan Shukravaar Se, Raamaleela Maidaan Mein Banega 'Mini Peeemao

India »

BJP Ka Do-divseeya Raashtreeya Adhiveshan Shukravaar Se, Raamaleela Maidaan Mein Banega 'Mini Peeemao

Nai Delhi Delhi ke raamaleela maidaan mein 11 aur 12 January ko hone vaale BJP ke raashtreeya adhiveshan ke dauraan pradhaanamantri Narendra Modi bhi donon din subah se lekar der shaam tak yaheen raheinge. Aise mein unka kaamkaaj prabhaavit na ho, ise dekhte hue maidaan mein ek 'Mini peeemao' bhi banaaya ja raha hai, taaki jaroorat padne par pradhaanamantri vaheen se apna kaamkaaj kar sakein. Chaaron taraf esapeeji ka kada pahara rahega. Pradhaanamantri va kendra sarkaar ke anya mantriyon aur party ke varishth padaadhikaariyon ke beech mantrana ke liye ek meeting hall bhi banaaya ja raha hai. Party ke kain raashtreeya padaadhikaariyon ne raamaleela maidaan pahunchakar taiyaariyon ka jaayaja liya. Delhi BJP ke sah-prabhaari tarun chugh ne bataaya ki yeh aayojan apne aap mein behad aham aur anootha hai. Is dauraan pradhaanamantri samet kendra sarkaar ke tamaam pramukh mantri bhi yaheen maujood raheinge. Raashtreeya adhyaksh amit shaah ke liye bhi ek alag kaaryaalaya banaaya gaya hai. PM aur amit shaah ke kaaryaalayon mein vo sabhi jaroori suvidhaaen maujood raheingi, jiski unhein jaroorat pad sakti hai. BJP shaasit raajyon ke mukhyamantriyon ke liye bhi yahaan ek alag laaunj banaaya ja raha hai, taaki ve bhi baithak mein hissa lene ke alaava vahaan se apna saamaanya kaamkaaj chala sakein.

BJP Ka Do-divseeya Raashtreeya Adhiveshan Shukravaar Se, Raamaleela Maidaan Mein Banega 'Mini Peeemao http://www.angrejinews.com/pic/246893