Azarenka Par Aarop Ke Baad Li Na Ko Mil Sakta Hai Darshakon Ka Samarthan

Sports »

Azarenka Par Aarop Ke Baad Li Na Ko Mil Sakta Hai Darshakon Ka Samarthan

Melbourne: Victoria Azarenka par khel bhaavana ke vipreet ravaiya apnaakar semifinal match rukavaane ka aarop lagne ke baad ravivaar ko hone vaale Australia open tennis tournament ke final mein cheen ki li na ko darshakon ka adhik samarthan milne ki ummeed hai. Cheen ki li na lagaataar kehti rahi hain ki Melbourne park unhein ghar jaisa ehsaas karaata hai, lekin duniya ki number ek Azarenka ke tournament ke sanrakshakon ke saath rishte achhe naheen rahe hain. Azarenka ko isse pehle geind ko hit karne samay cheekhane ki apni aadat ke kaaran upahaas ka saamana karna pada tha. Iske alaava semifinal mein sloen steefans ke khilaaf unki jeet mein aham samay par unke vivaadaaspad 'Medical time-out' ka saaya raha. Azarenka semifinal mein ameriki khilaadi ke khilaaf jab haar ki kagaar par khadi theen, tab unhonne Doctor se court ke baad lamba upachaar karaaya aur baad mein jeet darj karne mein safal rahi. Australia ke samaachaar patron mein 23-varsheeya Azarenka ko kaafi aalochna ka saamana karna pada hai. 'The Australia' ne likha hai, ab ummeed karte hain ki vah (Azarenka) final mein haar jaae.

Azarenka Par Aarop Ke Baad Li Na Ko Mil Sakta Hai Darshakon Ka Samarthan http://www.angrejinews.com/pic/512