Ayodhya Maamala Loksabha Chunaav Se Pehle Supreme Court Mein Adhik Se Adhik 36 Din Hi Ho Paaegi Sunavaai

Breaking »

Ayodhya Maamala Loksabha Chunaav Se Pehle Supreme Court Mein Adhik Se Adhik 36 Din Hi Ho Paaegi Sunavaai

Nai Delhi Ayodhya maamale ki sunavaai ke liye Supreme court ke 5 sadasyeeya peeth mein Justice lalit ki maujoodagi par muslim paksh ke vakeel Rajiv dhavan ke savaal uthaane ke baad guruvaar ko bahuprateekshit sunavaai ek baar fir tal gayi. Justice lalit ne bench se khud ko alag kar liya hai aur ab nai samvaidhaanik peeth iski sunavaai karegi. Maamale mein agali taareekh 29 January ko hai. Aise mein Loksabha chunaav se pehle is maamale mein faisale ki gunjaaish kaafi kam ho gayi hai. Padhein: Ayodhya vivaad mein fir tali sunavaai, pakshakaaron mein niraasha Loksabha chunaav April-May mein hone nirdhaarit hain. Choonki samvaidhaanik peeth saptaah mein sirf 3 din baithati hai, lihaaja aam chunaav se pehle is maamale ki sunavaai ke liye jyaada se jyaada 36 din mileinge. Hindustan ke itihaas ke is sanbhavat: Sabse jatil maamale ki sunavaai poori karne ke liye yeh samay kaafi kam hoga. September 2010 ke apne faisale mein Allahabad haai court ne vivaad jameen ko nirmohi akhada, raamalala viraajamaan aur sunni vakf board mein baraabar-baraabar 3 hisson mein baantane ka aadesh diya tha. Haai court mein 88 gavaahon ke bayaan darj hue, jo 13,886 pej ke hain. Angreji, hindi, sanskrut, faarasi, arabi, urdoo aur gurumukhi mein likhe kul 227 dastaavejon ka pareekshan kiya gaya. 8,533 pej ke faisale mein in dastaavejon se tamaam baaton ka bhi jikr hai. Padhein: Ayodhya vivaad ki fir sunavaai talane par bhadke sant Muslim aur hindu paksh ke vakeelon ne Supreme court ko pichhle saal bataaya tha ki sabhi dastaavejon ka anuvaad ho chuka hai. Haalaanki, guruvaar ko CJI ranjan gogoi ne kaha ki abhi nishchit taur par naheen kaha ja sakta ki sabhi dastaavejon ka angreji mein anuvaad poora ho chuka hai ya naheen. Supreme court ke ek kamre mein ayodhya maamale se jude dastaavejon ka dher laga hai. Inhein lohe ke 15 bakson mein seal karke rakha gaya hai.

Ayodhya Maamala Loksabha Chunaav Se Pehle Supreme Court Mein Adhik Se Adhik 36 Din Hi Ho Paaegi Sunavaai http://www.angrejinews.com/pic/247010