Avadh Warriors Ko Haraakar Bengaluru Raiptars Peebeeel Final Mein

Sports »

Avadh Warriors Ko Haraakar Bengaluru Raiptars Peebeeel Final Mein

Bengaluru, 11 January (bhaasha) kidaambi shreekaant aur saai praneet ke shaanadaar pradarshan se Bengaluru raiptars ne shukravaar ko yahaan pehle semifinal mein avadh warriors ko 4-2 se haraakar Premier badminton league (peebeeel) ke final mein pravesh kiya. Bengaluru ne is mukaabale mein pehla match ganvaane ke baad apne lagaataar teen match jeete. Final mein usaka mukaabala Hyderabad hantars aur Mumbai raukets ke beech shanivaar ko hone vaale doosare semifinal match ke vijeta se hoga. avadh ne apna pehla match jeetkar 2-0 ki badhat le li thi, lekin praneet aur shreekaant ne apne-apne match jeetkar score 2-2 se baraabar kar diya. Iske baad mohammad ehsaan tatha haindra setiyaavaan ne tramp match mein do ank haasil karke Bengaluru ko jeet dilaayi. Iske baad mahila ekal ka match naheen khela gaya. pehla match mishrit yugal ka tha jahaan avadh ki maathiya kristiyenasen aur ashvini ponappa ki jodi ne Bengaluru ki maarkas Alice aur lauren smith ko jodi ko seedhe game mein 15-7, 15-10 se haraaya. Yeh avadh ka trump match tha jisse use do ank mile. praneet ne purush ekal mein avadh ne li dong keyun ko 15-9, 15-4 se haraakar apni team ke khaate mein ek ank daala jabki shreekaant ne son vaan ho ko 15-7, 15-10 se paraajit karke score 2-2 se baraabar kiya. shreekaant aur ho mein shuruaat mein baraabari ka khel dekhne ko mila. Pehle game ke shuroo mein score 1-1, 2-2, 3-3, 4-4 tha. Lekin shreekaant break mein 8-3 ki badhat ke saath gaye aur fir unhonne peechhe mudkar naheen dekha aur pehla game 15-7 se apne naam kiya. doosare game ki shuruaat bhi pehle game ki tarah baraabari ke khel se hui. Lekin is baar bhi shreekaant badhat lene mein safal rahe aur score 4-2 kar liya. Shreekaant ne apni badhat ko 5-11 kar liya lekin vaan ho ne lagaataar chaar ank lekar score 9-11 kar diya. shreekaant ne vaan ho ko baraabari naheen karne di aur lagaataar ank lekar 15-10 se game jeet match apne naam kar team ko vaapasi dilaayi. puroosh yugal mein Bengaluru ke mohammad ehsaan aur haindra setiyaavaan ki jodi ne avadh ke li yaang aur maathiyaas ki jodi ko 15-14, 15-9 se shikast di. Yeh Bengaluru ka tramp match tha aur is jeet se use do ank mile jisse vah 4-2 jeet haasil karne mein safal raha.

Avadh Warriors Ko Haraakar Bengaluru Raiptars Peebeeel Final Mein http://www.angrejinews.com/pic/247222