Australian Open Shaaraapova Baahar, Azarenka Aur Li Na Ke Beech Hoga Final

Sports »

Australian Open  Shaaraapova Baahar, Azarenka Aur Li Na Ke Beech Hoga Final

Melbourne: Australian open mein nae record ke saath semifinal mein pahunchi doosari vareeya roosi khilaadi Maria shaaraapova ka safar aashcharyajanak roop se khatm ho gaya, jab cheen ki kadi pratidvandvi li na ne unhein behad aasaani se 6-2, 6-2 se paraajit kar diya. Udhar, tournament ke doosare semifinal mein sheersh vareeya Victoria Azarenka ne 29veen vareeya sloen steefans ko 6-1, 6-4 se haraakar final mein pravesh kar liya hai. Gaurtalab hai ki shaaraapova ne hamavatan ikaterina makarova ko karaari shikast dekar keval nau game ganvaane ke nae record ke saath Australiaee open tennis tournament ke semifinal mein pravesh kiya tha. Vaheen, cheen ki chhathi vareeya li na bhi sanghasharpoorn jeet ke saath antim chaar mein pahunchi theen. Li na ne Poland ki chauthi vareeyata praapt agniska raadavaanska ko 7-5, 6-3 se paraajit kiya tha. Sloen steefans ne quarterfinal mein bada ulatafer karte hue teesari vareeya serena Williams ko 3-6, 7-5, 6-4 se haraaya tha, jabki Azarenka ne svetalaana kujnetasova ko 7-5, 6-1 se paraajit kiya tha.

Australian Open Shaaraapova Baahar, Azarenka Aur Li Na Ke Beech Hoga Final http://www.angrejinews.com/pic/517