Australian Open Irani, Vinsi Ne Jeeta Mahila Yugal Khitaab

Sports »

Australian Open  Irani, Vinsi Ne Jeeta Mahila Yugal Khitaab

Melbourne: Saara Irani aur Robert vinsi ki sheersh vareeyata praapt jodi ne shukravaar ko saal ke pehle grand slam Australian open ke mahila yugal varg ka khitaab jeet liya. Samaachaar agency sinhuaa ke mutaabik vinsi aur Irani ne Elisa baarti aur kaise daalaakle ki Australiaee jodi ko 6-2, 3-6, 6-2 se paraajit kiya. Final mein Irani aur vinsi ne kaafi anushaasit khel dikhaaya. Australiaee jodeedaaron ne jahaan kul 42 bejaan galatiyaan ki vaheen vijeta jodi ne sirf 22 galatiyaan keen. Irani aur vinsi ne beete chaar mein se teen grand slam khitaab jeete hain. Wimbledon khitaab unke khaate mein naheen hai. Agar ve aisa karne mein safal raheen to ve is shataabdi mein mahila yugal mein career grand slam haasil karne waali anya teen mahila khilaadiyon ki soochi mein shaamil ho jaaengi.

Australian Open Irani, Vinsi Ne Jeeta Mahila Yugal Khitaab http://www.angrejinews.com/pic/509