Australian Open Ferar Ko Haraakar Jokovik Final Mein

Sports »

Australian Open  Ferar Ko Haraakar Jokovik Final Mein

Melbourne: Vishv ke sarvochch vareeyata praapt tennis star Serbia ke novaak jokovik Spain ke David ferar ko haraakar guruvaar ko saal ke pehle grand slam Australian open ke purushon ke ekal varg ke final mein pahunch gaye hain. Open era mein lagaataar teesari baar Australian open khitaab jeetne vaale pehle khilaadi banane ke liye prayaasarat jokovik ne semifinal mein ferar ko 6-2, 6-2, 6-1 se haraaya. Yeh mukaabala 89 minute chala. Ravivaar ko hone vaale khitaabi mukaabale mein jokovik ka saamana Switzerland ke Roger Federer aur Britain ke Andy mare ke beech hone vaale doosare semifinal ke vijeta se hogi. Mahila varg ka cheen ki li na aur Belarus ki Victoria Azarenka ke beech shanivaar ko khela jaaega. Azarenka ne America ki 19 saal ki khilaadi sloen steefeins ko paraajit kiya jabki li na ne pehle semifinal mein vishv ki doosari vareeya roosi star Maria shaaraapova ki chhutti ki. Poorv French open vijeta li na ne guruvaar ko khele gaye semifinal mukaabale mein shaaraapova ko seedhe seton mein 6-2, 6-2 se haraaya. Li na isse pehle 2011 mein Melbourne park mein khelte hue apne pehle grand slam final mein pahunchi theen lekin Belgium ki kim klaaistars ke haathon unhein haar mili thi. Iske baad li na French open champion bani theen. Li na ne bataur Asiaee khilaadi pehla grand slam jeeta tha. Shaaraapova ki chhutti karne ke baad li na ne kaha, "Main bahut khush hoon. Bahut saare khilaadi grand slam final mein teen baar naheen pahunch sake hain. Meri jid thi ki main is star tak pahunchoon. Yeh mere liye garv ki baat hai. " Doosari or, maujooda champion Azarenka ne steefeins ko 6-1, 6-4 se haraaya. Steefeins ne quarter final mein apne hi desh ki diggaj serena Williams ki chhutti ki thi lekin serena kharaab khel ke kaaran naheen balki chot ke kaaran mukaabale se baahar hui theen. Mishrit yugal varg mein Bhaarat ki saaniya mirja aur mahesh bhoopati apne-apne jodeedaaron ke saath quarter final mein haar gaye hain. Inki haar ke saath Australian open mein Bhaarat ki chunauti samaapt ho gayi. Bhoopati aur roos ki Nadia petrova ki paanchaveen vareeya jodi ko Australia ki jarmila Gajdosova aur Matthew ibaden ki gairvareeya jodi ke haathon 3-6, 6-3, 11-13 se haar mili. Saaniya aur unke ameriki jodeedaar Bob Brian ko check ganaraajya ki harraadeka Lucy aur fraantisk seramaak ne 7-5, 6-4 se haraaya. Bhaarat-America ki teesari vareeya jodi yeh match ek ghante paanch minute mein haari.

Australian Open Ferar Ko Haraakar Jokovik Final Mein http://www.angrejinews.com/pic/515