Australian Open Federer Ko Haraakar Mare Final Mein

Sports »

Australian Open  Federer Ko Haraakar Mare Final Mein

Melbourne: Britain ke Andy mare saal ke pehle grand slam Australian open ke purushon ke ekal varg ke final mein pahunch gaye hain. Mare ne shukravaar ko Switzerland ke Roger Federer ko haraakar ravivaar ko hone vaale final mein khelne ka adhikaar haasil kiya. Tournament ke teesare vareeya khilaadi mare ne teesare vareeya Federer ko 6-4, 7-6, 6-3, 7-6, 6-2 se haraaya. Ab final mein vah Serbia ke novaak jokovik se bhideinge, jo Spain ke David ferar ko haraakar pehle hi final mein pahunch chuke hain. Jokovik jahaan lagaataar teesari baar Australian open jeetkar open era mein yeh kaarnaama pehli baar karne wala khilaadi banane ka prayaas kareinge, vaheen mare apne career ke doosare grand slam khitaab ko paane ke liye damakham jhonkana chaaheinge. Mare 2010 aur 2011 mein Australian open ka final khel chuke hain. 2012 mein vah semifinal tak pahunche the. Doosari or, jokovik chauthi baar final mein pahunche hain. 2011 aur 2012 ke alaava jokovik ne 2008 mein bhi yeh khitaab jeeta tha.

Australian Open Federer Ko Haraakar Mare Final Mein http://www.angrejinews.com/pic/511