Audyogik Utpaadan Mein Vruddhi, Khudara Mahangaai Dar Bhi Badhi

Breaking »

Audyogik Utpaadan Mein Vruddhi, Khudara Mahangaai Dar Bhi Badhi

Nai Delhi Bajat se theek pehle aarthik morche par sarkaar ke liye raahat ki khabar hai to mahangaai ne aam aadmi ko jordaar jhatka diya hai. Shukravaar ko jaari aankadon ke mutaabik vinirmaan aur poonjeegat vastuen kshetr ke shaanadaar pradarshan ke dam par November 2017 mein audyogik utpaadan ki vruddhi dar 17 maheene ke uchchatam star 8.4 pratishat par pahunch gayi. Keindreeya saankhyiki kaaryaalaya dvaara shukravaar ko jaari aankadon ke anusaar, November 2016 mein yeh dar 5.1 pratishat thi. Mahangaai dar mein ijaafa Khudara mudraasfeeti November ke 4.88 pratishat ki tulana mein badhkar December mein 5.21 pratishat rahi. Mahangaai dar 17 maheenon ke uchchatam star par hai. Khaadya padaarthon, anda, sabjiyon aur falon ki keematon mein kaafi vruddhi hui hai. Khaadya padaarthon ki mahangaai 4.42 feesadi se badhkar 4.96 feesadi ho gayi hai. Mahangaai dar mein vruddhi ki vajah se byaaj daron mein katauti ki ummeed bhi kam hui hai. Sarkaar ne RBI ko mahangaai dar ko 4% tak banaae rakhane ka jimma diya hai. Yeh isse 2% jyaada ya kam bhi ho sakti hai. Agar ismein aane vaale maheenon mein aur badhotri hoti hai to reserve bank ko daron mein badhotri ke liye majaboor hona padega. Audyogik uptaadan Dava, chikitsakeeya rasaayan aur vanaspati utpaadon ke vinirmaan mein sarvaadhik 39.5 pratishat ki vruddhi rahi. Iske baad computer, electronic aur optikl utpaadon ke vinirmaan mein 29.1 pratishat aur parivhan kal-purjon ke vinirmaan mein 22.6 pratishat ki vruddhi dekhi gayi. Poonjeegat vastuon mein November 2016 ke 5.3 pratishat ki tulana mein November 2017 mein 9.4 pratishat ki teji rahi. Tikaaoo upabhokta utpaad kshetr ki vruddhi dar is dauraan 3.3 pratishat se badhkar 23.1 pratishat par pahunch gayi. Haalaanki aalochya maah ke dauraan khanan kshetr ki utpaadan vruddhi 8.1 pratishat se kam hokar 1.1 pratishat par aa gayi. Vidyut utpaadan vruddhi bhi 9.5 pratishat se kam hokar 3.9 pratishat par aa gayi. Is dauraan 23 mein se 15 udyog samoohon mein saalaana aadhaar par utpaadan ooncha raha.

Audyogik Utpaadan Mein Vruddhi, Khudara Mahangaai Dar Bhi Badhi http://www.angrejinews.com/pic/188227