Asiaee Sanketon Par Sensex-Nifty Mein Teji

Business »

Asiaee Sanketon Par Sensex-Nifty Mein Teji

Asiaee baajaaron mein achhe sanket aur rupaye mein majabooti ki vajah se guruvaar ko ghareloo baajaaron ne badhat ke saath shuruaat ki. Shuruaati kaarobaar mein Sensex ne kareeb 89 ankon yaani 0.4 feesadi ke uchhaal ke saath 22,412.61 ka aankada chhuaa to Nifty 25.10 ankon ya 0.38 feesadi ki badhat ke saath 6,677.65 tak pahuncha. Sensex subah 11 baje kareeb 96 ankon ki teji ke saath 22419 ke leval par aur Nifty bhi kareeb 25 ankon ki teji ke saath 6678 par kaarobaar kar rahe the. Isse pehle BSE ka 30 sheyaron par aadhaarit samvedi soochakaank Sensex subah 58.24 ankon ki teji ke saath 22,382.14 par aur NSE ka 50 sheyaron par aadhaarit samvedi soochakaank Nifty 17.35 ankon ki teji ke saath 6,669.90 par khula. Faureks market mein shuruaati kaarobaar ke dauraan dollar ke mukaabale rupaya 12 paise ke sudhaar ke saath 60.01 prati dollar par pahunch gaya. Ghareloo share baajaar mein teji aur dollar ke mukaabale Euro ki majabooti se bhi rupaye ko majabooti mili hai. Kal dollar ke mukaabale rupaya 2 paise kamjor hokar 60.13 par band hua tha. Sensex mein metal, auto, realty, power, helthakeyar, kanjyoomar dyoorebals, oil aind gas sheyaron majabooti dekhi gayi. Bank, kaipitl guds, IT, takaneeki, efaemaseeji sheyaron mein bhi halki badhat hai. Nifty sheyaron mein Cipla 2 feesadi se jyaada uchhala hai. Hindalco, sesa starlight, echaseeel tech, tata motors, beeechaiel, PNB, bank of Baroda, Maruti Suzuki, lupin, tata steel, ONGC, ACC bhi chadhe hain. Diggajon mein Wipro, aaideeefasi, Gale, san pharma, altraatek cement, beepeeseeel, graasim, ICICI bank, Dr Reddy'S jaise sheyaron mein giraavat hai. 5600 karod rupaye ke enaesaiel ghotaale mein jignesh shaah ki giraftaari ke baad emaseeeks 4.5 feesadi aur faainainshal tech 5 feesadi toote hain. Asiaee baajaaron mein teji ka rukh hai. Nikkei, Shanghai kanpojit, haing saing 1.5-0.75 feesadi chadhe hain. Strets times, taaivaan index aur esajeeeks Nifty kareeb 0.5 feesadi majaboot hain. Kauspi sust dikh raha hai. Budhvaar ko Ukraine ke mudde par roosi raashtrapati ki narami se ameriki baajaaron mein mila-jula kaarobaar dikha. Daau jons 0.7 feesadi aur esaaindapi 500 0.5 feesadi majaboot hue. Naisdaik kanpojit kamjori par band hua.

Asiaee Sanketon Par Sensex-Nifty Mein Teji http://www.angrejinews.com/pic/49953