Asia Cup Mein Bhaarat-Pakistan Mukaabale Par Lagi Hongi Sabhi Ki Nigaahein

Breaking »

Asia Cup Mein Bhaarat-Pakistan Mukaabale Par Lagi Hongi Sabhi Ki Nigaahein

Dubaistaar cricketer viraat Kohli ki anupasthit se bhale hi yahaan shanivaar ko shuroo hone vaale chhah deshon ke Asia cup cricket toornameint ki chamak feeki ho gayi ho, lekin sabse romaanchak dvandv Bhaarat aur Pakistan ke beech dekhne ko milega. Bhaarat aur Pakistan ki teemon ke beech do match to tay hai lekin agar donon teemein final mein pahunchati hai to teen mukaabalon ki sambhaavana hai. Toornameint ki shuruaat shanivaar ko Bangladesh aur shri lanka ke beech match se hogi. Bhaarat aur Pakistan ke beech group league mein ek match hoga, jabki doosra super chaar charan mein hoga. Lekin aayojak, prasaarak aur samarthan 28 September ko hone vaale final mein bhi donon teemon ke pahunchane ki ummeed kareinge. Bhaarat ke paas yeh dekhne ka mauka hoga ki team Kohli ki anupasthiti mein dabaav bhare haalaat mein kaise khelegi. Team apna abhiyaan 18 September ko haung kaung ke khilaaf shuroo karegi, jiske baad use agale din Pakistan se bhidna hai. Padhein- Bhaarat vs paak: Jaaniye 'Maha-match' ki badi baatein Kohli ko England daure ke baad aaraam diya gaya hai jismein Bhaarat ko test series mein 1-4 se haar ka munh dekhna pada tha. Rohit sharma safed geind ke shaanadaar khilaadi rahe hain, par achhi teemon ke khilaaf unke netrutv kaushal ki pareeksha naheen hui hai. Pichhle saal December mein shri lanka ke khilaaf unhonne kaptaani sambhaali thi, lekin vo team itni majaboot naheen thi, balki maujooda samay mein khilaadiyon ko dekhte hue Bangladesh is samay 50 over ki behtar team hai. Dekhein poora schedule- kab kaun sa match aur kya raha nateeja Ismein mukhya kendra is baat par hoga ki bhaarateeya team behatareen Pakistan se kaise khelati hai, jismein mohammad Aamir ke roop mein vishv stareeya tej geindabaaj, majaboot all-rounder hasan Ali, salaami ballebaaj fakhar jamaan aur pratibhaashaali ballebaaj baabar aajam aur hairis Sohail maujood hain. Bhaarat ka lakshya apne madhyakram sanyojan ka samaadhaan nikaalne ke alaava Mahendra Singh Dhoni ke liye ballebaaji kram mein sahi sthaan dhoondhane ka hoga. Asia cup mein Bangladesh ne lagaaaatar achha pradarshan kiya hai. Pichhle charan mein ghareloo maidaan par ve final mein pahunchane mein safal rahe the, haalaanki yeh tee20 praaroop mein khela gaya tha. Varsh 2012 mein ve 50 over ke praaroop ke final mein khele the. Masharafe murtaja ki aguvaai waali team ke paas dubai aur abudhaabi mein dheemi pitch ke liye achha geindabaaji line-ap hai. Vaheen ballebaaji mein tameem Iqbal aur mahamoodullaah riyaad shaamil hain. Mushfikr raheem aur shakibul hasan bhi achha pradarshan dikhaane ke kaabil hain, jisse team ko tournament mein chhupeeroostam kaha ja sakta hai. Padhein- Asia cup: Jaanein kis team mein hai kaun sa khilaadi Shri lanka aisi team hai, jiske khilaaf Bhaarat ne pichhle 24 maheenon mein sabhi praaroopon mein sabse jyaada mukaabale khele hain. Team mein badlaav ka daur kaafi lamba chal raha hai, iske alaava andaruni mudde jaise board ka prashaasan aur vetan vivaad se bhi unhein kuchh samay se joojhna pad raha hai. Haalaanki unke paas Angelo Matthews, upul tharanga, thisaara parera aur lasith malinga ke roop mein kaafi anubhav shaamil hai, jabki yuvaaon mein akila dhananjaya, daasun shnaaka aur kaasun ranjeeta maujood hain. Padhein- 18 September ko Bhaarat khelega pehla match, jaanein kuchh rochak baatein Shri lanka ki samasya unka lagaataar achha pradarshan naheen kar paana hai aur ve ummeed kareinge ki ismein badlaav kar sakein. Afghanistan ke liye Asia cup yeh dikhaane ka mauka hoga ki unke paas tee20 superstar Rashid Khan ke alaava bhi behatareen khilaadi maujood hain. Unke paas mohammad shahajaad bhi hain, jisse team ek do ulatafer karne ki koshish karegi. Inke alaava haung kaung ki team bhi ismein khel rahi hai, jismein bhaarateeya mool ke anshuman rath kaptaan honge. Team ki koshish pratispardhi bane rahane ki hogi, kyonki unke maichon ko ab one-day ka darja mil gaya hai.

Asia Cup Mein Bhaarat-Pakistan Mukaabale Par Lagi Hongi Sabhi Ki Nigaahein http://www.angrejinews.com/pic/223340