'Asatya Ke Saudaagar Hain Rahul Gandhi Bhaajapa Neta Nirmala Seetaaraman

Breaking »

'Asatya Ke Saudaagar Hain Rahul Gandhi  Bhaajapa Neta Nirmala Seetaaraman

File photo File photo Nai Delhi: Rahul Gandhi ko 'Asatya ka saudaagar' bataate hue bhaajapa ne Budhvaar ko kaha ki Gujarat ki bhoomi adhigrahan neeti ke baare mein unke kathit jhooth ka khulaasa unki party ki sarkaar se hi ho gaya hai aur ab unhein 'Jhooth ki is saudaagari' ke liye maafi maangani chaahiye. Congress adhyaksh soniya Gandhi ki Modi ke baare mein 'Maut ka saudaagar' waali tippani ke ullekh mein bhaajapa pravakta nirmala seetaaraman ne kaha ki aaj Rahul Gandhi 'Asatya ka saudaagar' ban gaye hain. audyogik sanvardhan evam neeti vibhaag ki or se taiyaar is report ka jikr karte hue nirmala ne kaha ki har rally mein Congress upaadhyaksh ne 'Taufi model' ki baat karte hue kaha ki ek rupaye mein taufi mil jaati hai, lekin Gujarat mein aapko ek rupaye mein bhoomi mil jaaegi jabki report mein Gujarat ke model ki saraahana karte hue iske bhoomi adhigrahan model ko anukaraneeya bataaya gaya hai. unhonne kaha, 'Ab Rahul Gandhi kahaan hain? Ab vah kahaan hain? Unki khud ki sarkaar ne aaj kaha ki Gujarat ki bhoomi adhigrahan neeti anukaraneeya hai, manch se aap poori duniya ko kuchh bata rahe the, jiski pushti aapki khud ki sarkaar naheen karti. ' nirmala ne kaha, 'Aap (Rahul) apne chunaav prachaar ke hisse ke roop mein manch se asatya bolte rahe. . . Unke bhaashan lekhakon ne unhein is baare mein naheen bataaya. ' nirmala ne kaha ki Congress ko is tarah ka asatya bolne ke liye maafi maangani chaahiye kyonki usane janta ko gumaraah kiya hai. Narendra Modi aur bhaajapa ke prati dushprachaar par aapatti karte hue nirmala ne vaanijya evam udyog mantri se is sambandh mein javaab maanga. unhonne kaha, 'Chaahe kuposhan ho ya muthabhed, Gujarat ko hamesha nishaana banaaya gaya. Modi aur Gujarat se judi koi bhi baat ho, use lekar asatya bola jaata hai. ' nirmala ne kaha ki ham is par aapatti karte hain aur ise gambheerta se lete hain. Mantri aanand sharma ko is baare mein javaab dena chaahiye. 'Neech star' ki raajaneeti ki Priyanka Gandhi ki tippani ke liye Congress ko aade haathon lete hue nirmala ne Rahul se savaal kiya ki kya Gujarat ke vikaas model ke baare mein neech soch hai? Unhonne kaha ki Congress ka iraada Modi ko kisi bhi keemat par rokana hai. Lekin aisa karte hue usi ka din-b-din pardaafaash hota ja raha hai.

'Asatya Ke Saudaagar Hain Rahul Gandhi Bhaajapa Neta Nirmala Seetaaraman http://www.angrejinews.com/pic/49888