Asamanjas Mein Hone Ke Kaaran Pehle Ballebaaji Ka Faisala Kiya Dhoni

Breaking »

Asamanjas Mein Hone Ke Kaaran Pehle Ballebaaji Ka Faisala Kiya  Dhoni

Ranchi: chennai Superkings ke kaptaan Mahendra Singh Dhoni ne IPL-7 mein Kolkata night Riders ko 34 run se haraakar lagaataar paanchaveen jeet darj karne ke baad kaha ki vah wicket ko lekar asamanjas ki sthiti mein the, isliye pehle ballebaaji karne ka faisala kiya. chennai ki team ne pehle ballebaaji karte hue baarish se prabhaavit 17 over ke match mein teen wicket par 148 run banaae, jiske javaab mein Kolkata ki team nau wicket par 114 run hi bana saki. Dhoni se jab match ke baad pehle ballebaaji karne ke faisale ke baare mein poochha gaya, to unhonne kaha, ham wicket ko lekar thode chintit the. Hamein pata tha ki yeh match aage badhne ke saath dheema hoga. Baarish ki aashanka bhi thi, jisse ham asamanjas ki sthiti mein the, isliye humne pehle ballebaaji karne ka faisala kiya. team sanyojan ke baare mein poochhane par Dhoni ne kaha, yahaan ke wicketon ko dekhte hue lagta hai ki hamaara sanyojan sahi hai. Suresh raina ne ek over kiya, lekin vah aur adhik over kar sakta hai, jabki tej geindabaaji ke anukool wicket par dven smith hamaara chautha tej geindabaaj ho sakta hai. virodhi kaptaan Gautam gambhir is haar se niraash dikhe, lekin unhonne vaapasi ka bharosa jataaya. Gambhir ne kaha, hamaare khilaadiyon ne vyaktigat taur par kuchh achha pradarshan kiya, lekin ham team ke roop mein naheen chal paae. Jab humne IPL jeeta tha, to lagaataar saat match jeete the. Ummeed karte hain ki ham vahi laya haasil kar paaenge.

Asamanjas Mein Hone Ke Kaaran Pehle Ballebaaji Ka Faisala Kiya Dhoni http://www.angrejinews.com/pic/49418