Asam Hinsa Par Raajaneetik Aarop-pratyaarop Shuroo

Breaking »

Asam Hinsa Par Raajaneetik Aarop-pratyaarop Shuroo

Nai Delhi: asam mein hui hinsa par aarop-pratyaarop ka daur shuroo ho gaya hai, jismein aaj BJP ne kendra aur raajya ki Congress sarkaaron ki 'Vote bank' ki raajaneeti ko doshi bataaya, jabki Jammu-Kashmir ki national conference ne iske liye Narendra Modi ko jimmedaar thaharaaya. bodo ilaakon mein bruhaspativaar se hui hinsa mein 32 logon ki maut hone ki prushthabhoomi mein Congress ke varishth neta aur keindreeya mantri Kapil sibbal ne Narendra Modi par chutaki lete hue kaha ki Modi ka arth 'Model of divaaiding India (Bhaarat ko baantane ka model)' bataaya aur bhaajapa netaaon par vote paane ke liye 'Saampradaayik card' khelne ka aarop lagaaya. asam ke mukhyamantri tarun gogoi ne BJP se kaha ki vah maamale ka raajaneetikran na kare. Unhonne kaha ki kaanoon-vyavastha laagoo karne ka unka track rekaard bhaajapa shaasit Gujarat se behtar hai. vaheen rajdhani Delhi mein samvaadadaata sammelan mein bhaajapa neta ravishankar prasaad ne kaha, 'Yeh mera aarop hai ki asam mein jo kuchh bhi ho raha hai vah Congress ki vote bank ki raajaneeti ka nateeja hai. ' prasaad ne aarop lagaaya ki ateet mein aisi do ghatnaaen hone ke baavajood Congress ne dange rokane ke liye samay par samuchit kadam naheen uthaae. Unhonne Rajyasabha mein asam ka pratinidhitv karne vaale pradhaanamantri Manmohan Singh par bhi savaal uthaaya ki unhonne pichhle 10 varsh mein raajya mein kaanoon-vyavastha sudhaarane ke liye kya kiya hai, jabki bodo aur pravaasi baanglaadeshiyon ke beech lagaataar sangharsh ki ghatnaaen ho rahi hain. udhar, Jammu-Kashmir ke mukhyamantri va national conference neta umar abdula ne hinsa ke liye bhaajapa se pradhaanamantri pad ke ummeedavaar Narendra Modi ko jimmedaar thaharaaya. Baaraamula Loksabha kshetr ke tangamaarg mein chunaavi rally mein umar ne kaha, 'Asam mein 30 musalmaanon ki hatya kar di gayi hai. Kyon? Bhaajapa se pradhaanamantri pad ke ummeedavaar Narendra Modi ne vahaan ek bhaashan diya tha aur logon ko musalmaanon ke khilaaf bhadkaaya tha. Yeh sach hai. Is sach se inkaar naheen kiya ja sakta hai. ' (padhein- umar ne asam hinsa ke liye Modi ko kyon thaharaaya jimmedaar) vaheen umar ki tippani par prasaad ne kaha, 'Mujhe lagta hai ki umar ko unke raajya ke log hi gambheerta se naheen le rahe hain. ' pradhaanamantri Manmohan Singh ne asam mein 'Kaayaraana' aatanki hamle ki aaj ninda ki aur kaha ki kendra kaanoon vyavastha ki sthiti banaae rakhane aur shaanti bahaali ke liye har jaroori kadam uthaaega. (padhein- asam ke haalaat par hain pradhaanamantri ki najar) is beech, raajya ke mukhyamantri tarun gogoi ne apne mantrimandal ki aapaat baithak ki, jismein hinsa ki NIA se jaanch karavaane ki maang ki gayi. Gogoi ne vipaksh ke isteefe ki maang ko thukaraate hue kaha ki vah kaayar naheen hain aur ugravaadiyon se mukaabala kareinge.

Asam Hinsa Par Raajaneetik Aarop-pratyaarop Shuroo http://www.angrejinews.com/pic/49483