Asam Hinsa Mein Marne Vaalon Ki Sankhya Badhkar Hui 21, Sena Bulaai Gayi

Breaking »

Asam Hinsa Mein Marne Vaalon Ki Sankhya Badhkar Hui 21, Sena Bulaai Gayi

Guwahati: asam mein bodolaind kshetreeya prashaasanik jile (beeteeedi) ke tahat aane vaale raajya ke do jilon kokaraajhaar aur baksa mein hue ugravaadi hamle mein kam se kam 21 logon ki maut ho gayi. Is hamle ka shak enadeeefabi (S) ke sashastr ugravaadiyon par hai. Kshetr mein suraksha ke liye sena bulaai gayi hai aur ugravaadiyon ko dekhte hi goli maarane ke aadesh de diye gaye hain. isse pehle, police mahaanideshak (kaanoon-vyavastha) esaen Singh ne bataaya ki baksa jile ke salabari ilaake aur mushalapur, taamulapur mein shukravaar shaam chhah baje se shanivaar subah chaar baje tak curfew rahega, taaki aage hinsa ko roka ja sake. udhar, mukhyamantri kaaryaalaya ki or se jaari bayaan ke anusaar sheersh adhikaariyon ke saath baithak mein mukhyamantri tarun gogoi ne police se kaha ki is maamale mein shaamil ugravaadiyon ko pakada jaae aur sthiti ko kaaboo mein laaya jaae. police ke mutaabik, AK-47 raaifalon se lais enadeeefabi-saangabijit ke 20 se 25 ugravaadiyon ke ek samooh ne guruvaar der raat ke baad kokaraajhaar ke baalaapaada-1 gaanv mein teen gharon par dhaava bol diya aur andhaadhundh goleebaari ki jismein mauke par hi saat logon ki maut ho gayi. vaheen peediton ke parijanon ke anusaar, ugravaadiyon ne ek ke baad doosare ghar mein hamla kiya aur andhaadhundh goleebaari ki jisse dahashat ka maahaul ban gaya. (agency input ke saath)

Asam Hinsa Mein Marne Vaalon Ki Sankhya Badhkar Hui 21, Sena Bulaai Gayi http://www.angrejinews.com/pic/49377