Asam Hinsa Ke Liye Modi Ko Jimmedaar Naheen Thaharaaya Ja Sakta Shivsena

Breaking »

Asam Hinsa Ke Liye Modi Ko Jimmedaar Naheen Thaharaaya Ja Sakta  Shivsena

Mumbai: asam hinsa ke liye Narendra Modi ko jimmedaar thaharaane ke liye Congress ki aalochna karte hue aaj shivsena ne kaha ki aise aarop ve log laga rahe hain, jinhonne desh ko 'Baant diya'. In logon ko raamadev ke aashram mein yog karna chaahiye kyonki ye apna maanasik santulan kho chuke hain. Bhaajapa ke sabse puraane sahayogi dal ne Congress ke neta Kapil sibbal par bhi nishaana saadhate hue kaha ki 'Unhonne jis tarah se asam mein baanglaadeshi muslimon ka mudda uthaaya, us tarah se unhein Kashmir mein hinduon ka maamala uthaate kabhi naheen dekha gaya. shivsena ke mukhapatr saamana ke sampaadkeeya mein kaha gaya, jo log kah rahe hain ki Modi ki vajah se Bhaarat tukadon mein toot jaaega, ve vahi log hain, jinhonne desh ko baanta hai. Modi ko gaaliyaan dene ke bajaay kaangresiyon ko aatmachintan karna chaahiye. Shivsena ne kaha, is tarah ke aarop lagaane vaalon ko ya to raamadev ke aashram mein vipaasan (yog) karna chaahiye ya fir 16 May ko chunaavi nateejon ke baad unhein manorog aspataal mein bharti ho jaana chaahiye, kyonki ve log apna dimaagi santulan kho baithe hain. ullekhaneeya hai ki Congress ne asam mein hinsa ke liye bhaajapa aur pradhaanamantri pad ke liye uske ummeedavaar par hamla bolte hue kaha tha ki yeh unke dvaara vote haasil karne ke liye kiye gaye 'Saampradaayik dhruveekaran' ka nateeja tha. Democratic frant of bodolaind ke vaarta virodhi dhade aaike songabeejeet ke ugravaadiyon dvaara asam ke do jilon mein kiye gaye hamlon mein 32 log maare gaye hain aur kai anya ghaayal hue hain. In hamlon mein hajaaron log beghar ho gaye. shivsena ne kaha, asam jal raha hai. Kashmir ghaati mein shaanti sthaapit naheen ho pa rahi. Kapil sibbal ne jis tarah asam mein baanglaadeshi muslimon ka mudda uthaaya, us tarah kabhi unhein Kashmir mein hinduon ka mudda uthaate humne naheen dekha hai. Isne kaha, sibbal aur umar abdulla (Jammu Kashmir ke mukhyamantri) ko yeh dar hai ki yadi Modi satta mein aate hain to baanglaadeshiyon ko asam se baahar nikaal diya jaaega aur hindu panditon ko sammaan ke saath Kashmir mein vaapas laaya jaaega. Shivsena ne aarop lagaaya ki abdulla ne Kashmir mein hinduon ki dasha ki jaanboojhkar avhelna ki.

Asam Hinsa Ke Liye Modi Ko Jimmedaar Naheen Thaharaaya Ja Sakta Shivsena http://www.angrejinews.com/pic/49605