Asam Hinsa Baksa Mein Shavon Ka Antim Sanskaar Karne Se Parivaaron Ka Inkaar

India »

Asam Hinsa  Baksa Mein Shavon Ka Antim Sanskaar Karne Se Parivaaron Ka Inkaar

Guwahati / baksa: asam mein ugravaadi hinsa mein marne vaalon ki sankhya 29 ho chuki hai, jismein mahilaaen aur bachche bhi shaamil hain. Baksa mein maare gaye logon ke rishtedaaron ne shavon ka antim sanskaar karne se inkaar kar diya hai. Unki maang hai ki jab tak raajya ke mukhyamantri tarun gogoi unase milne naheen aaenge, ve antim sanskaar naheen kareinge. police ne ab tak 30 logon ko giraftaar kiya hai. Inmein maanas national park ka ek faurest reinjar aur kuchh doosare karmachaari bhi hain. Aarop hai ki in logon ki madad se hi ugravaadi gaanv mein ghuse. Kokaraajhaar, chiraang aur baksa mein curfew laagoo hai. Baksa mein upadraviyon ko dekhte hi goli maarane ke aadesh hain. Raat se hinsa ki koi taaja khabar naheen hai. asam mein hinsa par raajaneetik aarop−pratyaarop ka daur bhi jaari hai. Vipaksh mukhyamantri tarun gogoi ke isteefe ki maang kar raha hai. Vaheen, mukhyamantri ne isteefa dene se inkaar karte hue hinsa ki jaanch NIA se karaane ki maang ki hai. pradhaanamantri Manmohan Singh ne asam mein 'Kaayarataapoorn' ugravaadi hamle ki ninda ki hai aur vahaan shaanti bahaali ke liye sabhi upaayon ka vaada kiya. Kendra ne hinsa prabhaavit raajya ke liye atirikt bal muhaiya karaaya hai. pradhaanamantri kaaryaalaya ne kaha ki sthiti par kareebi najar rakh rahe pradhaanamantri ne gruhamantri susheel Kumar shinde aur asam ke mukhyamantri tarun gogoi se baat ki aur unhein ashaant kshetron mein saamaanya sthiti bahaali ke liye tatkaal kadam uthaane ka nirdesh diya. baithak ke baad pradhaanamantri kaaryaalaya ne kaha ki raajya ko suraksha balon ki 20 companiyaan (kareeb do hajaar karmi) muhaiya kara diye gaye hain tatha kobara companiyon sahit atirikt companiyon ko jaroorat ke mutaabik upalabdh karaaya jaaega. Peeemao ne kaha ki sena ke nau column tainaat kiye gaye hain aur gasht jaari hai. Prabhaaviton ke liye raahat shivir sthaapit kiye ja rahe hain.

Asam Hinsa Baksa Mein Shavon Ka Antim Sanskaar Karne Se Parivaaron Ka Inkaar http://www.angrejinews.com/pic/49531