Arvind Kejriwal Ne Kaha, Mera Mukaabala Modi Se, Rai Ne Khaarij Kiya Daava

Breaking »

Arvind Kejriwal Ne Kaha, Mera Mukaabala Modi Se, Rai Ne Khaarij Kiya Daava

Varanasi: haai-profaail Loksabha kshetr Varanasi mein jaari matadaan ke beech aam aadmi party ke ummeedavaar Arvind Kejriwal ne kaha ki unka seedha mukaabala bhaajapa ke Narendra Modi ke saath hai aur Congress ke Ajay rai to is mukaabale mein kaheen hain hi naheen. haalaanki rai ne in daavon ko khaarij karte hue kaha ki Varanasi ke matadaata unhein hi chuneinge, kyonki chunaavi daud mein shaamil ummeedavaaron mein se sirf ve hi 'Is dharati ke putr' hain. matadaan kendra ke baahar samvaadadaataaon se Kejriwal ne kaha ki logon ko matadaan ke liye badi sankhya mein nikalkar aana chaahiye. Aisi hi appeal pradhaanamantri pad ke liye bhaajapa ke ummeedavaar Narendra Modi ne ek tweet ke jariye ki. Kejriwal ne aage kaha ki unka seedha mukaabala Modi ke saath hai aur rai to mukaabale mein hain hi naheen. aap party ke neta ne yeh bhi kaha ki ve isse jyaada baat naheen kareinge, kyonki un par chunaav aachaar sanhita ke ullanghan ka aarop lag sakta hai. isi beech aap party ke neta maneesh sisaudiya ki Varanasi mein upasthiti ke baare mein savaal uthaae gaye kyonki 10 May ki shaam ko chunaav prachaar band hone ke baad, ummeedavaaron ke alaava chunaav prachaar mein shaamil kisi bhi baahari vyakti ko nirvaachan kshetr mein rukane ki anumati naheen hai. Kuchh matadaan keindron par electronic voting masheenon mein chhitput gadbadiyon ki kuchh khabarein theen. Iske alaava uttarapradesh mein sapa sarkaar dvaara baante gaye laptop chandauli nirvaachan kshetr ke kuchh matadaan keindron mein najar aane par kuchh pakshon ki or se virodh jataaya gaya. Kuchh matadaan keindron par matadaataaon ne unka naam matadaata soochi mein na hone ki bhi shikaayat ki. apne kurte par apna chunaav chinh 'Haath' laga baij pahanakar matadaan karne aae rai ne Kejriwal ke daavon ko khaarij karte hue kaha ki chunaav ke nateeje yeh saabit kar deinge ki Varanasi ke log apne liye ek sthaaneeya vyakti ko chaahate hain. jab unase poochha gaya ki kya 'Haath' ka chinh apne kurte par lagaakar matadaan ke liye aana chunaavi niyamon ka ullanghan naheen hai to rai ne kaha ki ve ek ummeedavaar hain aur unhein ''Apna chinh apne dil par lagaane'' ka adhikaar hai. Varanasi Loksabha kshetr mein kadi suraksha ke beech matadaan ki shuruaat subah 7 baje hui aur yeh shaam 6 baje tak chalega. Is nirvaachan kshetr mein matadaataaon ki sankhya lagbhag 16 lakh hai.

Arvind Kejriwal Ne Kaha, Mera Mukaabala Modi Se, Rai Ne Khaarij Kiya Daava http://www.angrejinews.com/pic/50327