Arjun-aaliya Bhi Jald 100 Karod Club Mein

Movies »

Arjun-aaliya Bhi Jald 100 Karod Club Mein

Arjun Kapoor aur aaliya bhatt bhi box office par 100 karod kalekshan karne vaale club mein shaamil hone ko dastak de rahe hain. Box office par arjun Kapoor aur aaliya bhatt staarar film '2 states' ka jaadoo teesare hafte bhi kaayam hai. Film ne ab tak Bhaarat mein 90 karod rupae se jyaada ki kamaai kar li hai. Visheshagyon ka kehna hai ki film 100 karodi club ki race mein hai. '2 states' ke nirmaata karan jauhar aur saajid naadiyaadavaala hain. Iska distribyooshan UTV motion pictures kar raha hai. 18 April ko film desh ke 2,000 cinemagharon mein lagi thi. Vyaapaar vishvaleshak taran aadarsh ne twitter par likha, ''2 states' ne (teesare hafte) shukravaar ko 1.67 karod rupae, shanivaar ko 2.70 karod rupae ki kamaai ki. Film ne desh mein kul 91.68 karod rupae ki kamaai kar li hai. Yeh 100 karod ki kamaai ki or badh rahi hai. ' superhit film '2 states' mein ronit Roy, amruta Singh aur revati ne bhi mahatvapoorn bhoomika nibhaai hai. Chetan bhagat ke upanyaas par aadhaarit is film ka nirdeshan navaagat nirdeshak Abhishek varman ne kiya hai. Film do premiyon ki kahaani hai jo Bhaarat ke do alag-alag raajyon se hain. Amitabh Bachchan, prabhu deva, ritesh Deshmukh aur sonaakshi sinha sareekhe sitaaron ne bhi film ki taareef ki hai.

Arjun-aaliya Bhi Jald 100 Karod Club Mein http://www.angrejinews.com/pic/49751