Apni Had Mein Rahein Rahul Gandhi Narendra Modi

Breaking »

Apni Had Mein Rahein Rahul Gandhi  Narendra Modi

BJP ke PM pad ke ummeedavaar Narendra Modi BJP ke PM pad ke ummeedavaar Narendra Modi Nai Delhi: khud ko 'Jhootha' bataane par bhadke bhaajapa ke pradhaanamantri pad ke ummeedavaar Narendra Modi ne Congress upaadhyaksh Rahul Gandhi ko 'Had mein rahane' ki chetaavani de daali. Modi ne yeh bhi kaha ki Rahul unke baare mein 'Galat, bhadde aur apraamaanik' aarop laga rahe hain. Modi ne Rahul ko chunauti di ki vah Congress sarkaar ke kaamkaaj ke mudde par janta ko javaab dene ke liye khulkar saamane aaen, bhaagein naheen. Modi ne '10 Janpath ke ek kareebi sahayogi' ke taar ek maans niryaatak, jiske ghar par kar adhikaariyon ne chhaapemaari ki thi, se jodne ki koshish ki aur aarop lagaaya ki unke beech 'Dhan ka sauda' hua. 10 Janpath Congress adhyaksh soniya Gandhi ka aavaas hai. Modi ne 'Maan-beta (soniya-Rahul) sarkaar' par Pune ke vyaapaari hasan Ali ko kathit kaale dhan ke ek maamale mein 'Bachaane' ka bhi aarop lagaaya. 3di holograam takaneek ke jariye apne sambodhan mein Modi ne kaha, Rahul bhaai, aap saari hadein todkar jhooth bolte chale ja rahe hain. Aapke paas to apne baare mein, apni maan ke baare mein ya apni sarkaar ke baare mein bhi kehne ke liye kuchh sakaaraatmak naheen bacha hai. Isliye aap galat, bhadde aur apraamaanik aarop lagaate rahate hain. Modi ne kaha, cheejein had mein rakhiye. Ham seemaaen laangh kar baat naheen karte. Apni sarkaar ke kaamkaaj par charcha ke liye khulkar saamane aaen. Aap bhaag kyon rahe hain. Modi ne yeh hamla tab bola jab din mein hi Rahul ne Gujarat mein kaha ki raajya ke mukhyamantri ko us vakt tak neend naheen aati, jab tak vah jhooth na bolein. Soniya par hamla bolte hue Modi ne kaha, ek maans niryaatak par gambhir savaal uthaae gaye hain, jiske desh bhar mein faile 60 thikaanon par aayakar vibhaag ne chhaapemaari ki, jiske 300 ghante ki phone par hui baatcheet tape ki gayi, jismein 10 Janpath, soniya Gandhi ke aavaas, ka bhi jikr hai. pradhaanamantri Manmohan Singh par nishaana saadhate hue Modi ne kaha, pradhaanamantri ko mahangaai, bhrashtaachaar jaisi ve samasyaaen najar naheen aateen, jinka saamana desh kar raha hai. Yadi unhein kuchh najar hi naheen aata, to vah bhaajapa ki lahar kahaan se dekheinge.

Apni Had Mein Rahein Rahul Gandhi Narendra Modi http://www.angrejinews.com/pic/48754