Apni Doosari Patni Ko Khush Rakhane Ke Liye Aajamagadh Se Chunaav Lad Rahe Hain Mulaayam Maayaavati

Breaking »

Apni Doosari Patni Ko Khush Rakhane Ke Liye Aajamagadh Se Chunaav Lad Rahe Hain Mulaayam  Maayaavati

File photo File photo Aajamagadh: BSP supreemo maayaavati ne aaj apne chir pratidvandvi evam sapa pramukh mulaayam Singh Yadav par prahaar karte hue kaha ki vah 'Apni doosari patni ko khush rakhane ke liye' aajamagadh Loksabha seat se chunaav lad rahe hain. aajamagadh mein ek chunaavi janasabha ko sambodhit karte hue kaha maayaavati ne kaha, 'Mulaayam Singh Yadav ke parivaar mein jhagada chal raha hai aur vah apni 'Doosari patni' ko khush rakhane ke liye uske putr prateek Yadav ke liye is seat par raasta saaf karne ke liye yahaan chunaav lad rahe hain. ' uttar pradesh ke mukhyamantri aur sapa mukhiya mulaayam ke putr Akhilesh Yadav dvaara unhein buaa kahe jaane par maayaavati ne kaha, 'Main mukhyamantri ko apna chhota bhaai bhi kehna apni tauheen aur apamaan samajhoongi, kyonki vah dalit mahaapurushon ka apamaan karte hain aur unke naam par bane smaarakon par hue kharch ko fijoolakharchi kehte hain. ' unhonne tanj kasate hue kaha, 'Mulaayam aur unke bete ko yeh samajhna chaahiye ki ve Baba bheemaraav anbedkar ki vajah se hi yahaan (raajaneeti ke oonche padon par) hain, varana khet khalihaanon mein gaaya bhains chara rahe hote. ' maayaavati ne kaha ki Yadav samaaj kab tak mulaayam Singh Yadav ki maanasik gulaami karta rahega, use sthaaneeya ummeedavaar ko chunana chaahiye. Unhonne sapa aur bhaajapa mein saanthagaanth ka aarop lagaate hue kaha, 'Sapa aur bhaajapa mein androoni samjhaute ke tahat Narendra Modi Varanasi aur mulaayam Singh Yadav aajamagadh se chunaav lad rahe hai. ' maayaavati ne kaha, 'Agar mulaayam Narendra Modi ko rokana chaahate the to unhein Varanasi se chunaav ladna chaahiye tha. Modi Varanasi ko chhodkar Gujarat ki badodara seat ko apne paas rakheinge, jabki mulaayam aajamagadh chhodkar mainapuri. '

Apni Doosari Patni Ko Khush Rakhane Ke Liye Aajamagadh Se Chunaav Lad Rahe Hain Mulaayam Maayaavati http://www.angrejinews.com/pic/49481