Apne Bhaashanon Mein Kam Pehchaan Waali Hastiyon Ka Jyaada Jikr Karte Hain Kovind

India »

Apne Bhaashanon Mein Kam Pehchaan Waali Hastiyon Ka Jyaada Jikr Karte Hain Kovind

Raamoo Bannerjee, nai dillee24 saal se saamaajik jeevan mein rahe aur behad saamaanya jeevan jeene vaale raashtrapati raamanaath kovind ki shuruaati bhaashan charchaaon mein tha. Aalochakon ne unke bhaashan mein desh ke pehle pradhaanamantri javaaharalaal Nehru ka naam na hone ki baat kahi. Raashtrapati ke pehle bhaashan ko kareeb 2 maheene se jyaada samay gujar chuka hai, lekin unke bhaashan ab bhi kai maayanon mein kaafi alag hote hain. Raashtrapati bhavan ke rasoi ghar mein bhi jahaan pehle praathamikta ke aadhaar par machhali banti thi, vaheen ab vahaan sirf shaakaahaari khaana hi banta hai. Poorv raashtrapati pranav mukharji ki tarah hi raashtrapati kovind bhi itihaas mein kaafi roochi rakhate hain. Lekin kovind apne bhaashan mein aise logon ko jikr sabse jyaada karte hain, jinka desh ke liye yogadaan adhik hai aur pehchaan behad kam. Apne raashtrapati banane se ab tak kovind apne bhaashanon mein aisi hastiyon ka jikr kiya hai, jinhein desh ke liye behad kaam karne ke baavajood adhik pehchaan naheen mili. Svatantrata diwas ki poorv sandhya par bhi unke bhaashan mein chenamma, maatangini haajara aur birsa munda ka jikr tha. Ye log desh ki aajaadi mein bada yogadaan karne vaale the, lekin birsa munda ke siva kisi ko adhik pehchaan naheen mili. Chenamma, Karnataka ke kittur ki raani, 1824 mein hui desh ki pehli ladaai mein unhonne angrejon ke khilaaf morcha khola tha. Iske lagbhag 100 saal baad ek anya mahila, maatangini haajara ne 1942 mein angrejon ke khilaaf 'Bhaarat chhodon andolan' mein badi bhoomika nibhaai thi. Vaheen birsa munda ke angrejon ke khilaaf chalaae aandolan ko kaun naheen jaanta. Ye sabhi log desh ke liye lade, inmein sirf yahi ek tathya naheen hai. In logon mein ek aur kauman baat hai, vah yeh hai ki ye sabhi desh ke pichhde samudaaya se taalluk rakhate hain.

Apne Bhaashanon Mein Kam Pehchaan Waali Hastiyon Ka Jyaada Jikr Karte Hain Kovind http://www.angrejinews.com/pic/175957