Apna Naam Bataana Band Karna Padega Poonam Pande

Movies »

Apna Naam Bataana Band Karna Padega Poonam Pande

Chandramohan sharma media aur TV channelon par apni giraftaari aur police station se vaurning milne ke baad riha hone ki khabaron se poonam Pande bahut apaset hain. Agar poonam ki baaton par bharosa kiya jaae to shukravaar raat 10 baje ke baad poonam apne bhaai ke saath drive par nikli theen. Isi beech Mumbai ki meera rod police ne suraksha ki drushti se us rod par bairiked lagaaya hua tha. Yahaan se poonam ki gaadi gujar rahi thi. Bairiked ke paas police ne poonam ki gaadi ko rukavaaya aur isi beech kareeb 10 minute tak policekarmiyon aur poonam ke beech jabardast bahas hui. Agale hi din TV channelon aur kuchh akhbaaron ne police dvaara poonam ko arest karne aur thaane se vaurning dekar chhode jaane ki khabar break kar di. Ab is khabar ne poonam Pande ko ek baar fir media mein aane ka jaise golden chaans de daala. Agale hi din poonam ne jhat media mein apna lamba chauda bayaan jaari kar daala. Poonam ke mutaabik, unhein giraftaar naheen kiya gaya. Unhonne kaha ki vah apne bhaai ke saath drive par nikli theen. Poonam ne kaha, 'Police ko meri short dres par shaayad aitaraaj tha, kyonki bairiked ke paas duty par tainaat police vaale baar-baar meri isi short dres ko lekar mujhse bahas karne mein lage the. ' poonam kehti hain, 'Car rukavaane ke baad pehle to police ka ravaiya achha tha, lekin jaise hi mainne apna naam aiktres poonam Pande bataaya to police vaalon ka rukh ekdam badal gaya. Kareeb aath-das minute tak policewaalon ne mere bhaai aur mujhse bahas ki. ' poonam ne aage bataaya, 'Is beech mainne unhein bataaya, mainne ek naami company ki modern short dres pahani hui hai, jo Mumbai ki doosari ladkiyaan bhi in dinon khoob pahan rahi hain, tab kuchh der bahas ke baad police ne mujhe jaane diya. ' media se savaal-javaab ke dauraan poonam ne kaha, 'Mainne is ghatna se yeh mahasoos kiya ki ab mujhe har jagah apna naam bataana band kar dena chaahiye, kyonki mera naam sunane ke baad na chaahate hue bhi kuchh na kuchh ulta-seedha ho hi jaata hai. '

Apna Naam Bataana Band Karna Padega Poonam Pande http://www.angrejinews.com/pic/49731