Aparaadhi Ne Jhareele Injekshan Ke Bajaay Maangi Maut Ki Ilektrik Chair

Breaking »

Aparaadhi Ne Jhareele Injekshan Ke Bajaay Maangi Maut Ki Ilektrik Chair

Duniyaabhar ke tamaam deshon mein aparaadhiyon ko mrutyudand dene ke alag-alag tareeke istemaal kiye jaate hain. Jaise Bhaarat mein faansi di jaati hai, kaheen jhar ka injekshan diya jaata hai, kaheen pattharon se maara jaata hai, kaheen bijli ke jhatke dekar maara jaata hai. Tamaam maanavaadhikaar sangathan lambe samay se is par bahas karte aa rahe hain ki aparaadhiyon ko kam se kam dard dene vaale tareekon se maara jaae. Inheen bahason ke beech ameriki raajya Tennessee se khabar I hai ki mrutyudand ki saja paae 61 saal ke aparaadhi David arl Miller ne jhar ke injekshan ke bajaay bijli ka jhatka dene waali kursi yaani ilektrik chair se marne ki maang ki hai. Tennessee mein kisi aparaadhi ko mrutyudand dene ke liye mukhya taur par jhar ka injekshan hi istemaal kiya jaata hai. Haalaanki, jin aparaadhiyon ne 1999 se pehle aparaadh kiya hai, unhein jhar ke injekshan ke bajaay ilektrik chair chunane ka adhikaar hai. Miller ko 1981 mein 23 saal ki maanasik roop se beemaar ladki ki hatya karne ka doshi paaya gaya tha. Doshi karaar diye jaane ke baad Miller pichhle 36 barso se mrutyudand diye jaane ka intajaar kar raha hai. Ilektrik chair se marne ki usaki maang maan li gayi hai aur use guruvaar ko mrutyudand diya jaaega. Tennessee mein 1960 ke baad yeh doosra mauka hoga, jab kisi aparaadhi ko maarane ke liye ilektrik chair ka istemaal kiya jaaega. Pichhle maheene hi Tennessee mein 63 saal ke aparaadhi edamand jegaurski ko ilektrik chair se mrutyudand diya gaya. Tennessee mein pichhle kuchh vakt se jhareele injekshan ke bajaay ilektrik chair chunane vaale aparaadhiyon ki sankhya badh rahi hai. In aparaadhiyon ka tark hai ki jhareele injekshan se maut zyaada dardanaak hoti hai. Miller aur jegaurski ne court mein bili re aairik naam ke aparaadhi ka havaala diya tha ki jhareela injekshan diye jaane par bili 20 minute tak tadpata raha, use ulti-khaansi aati rahi aur aakhir mein usaka shareer neela pad gaya. September mein ek Doctor David lubraaski ne bhi court mein kaha tha ki bili ko marate samay taurchar se bhi zyaada takaleef hui thi. Lubraaski ke mutaabik jhar ne bili ko behosh to kar diya tha, lekin do aur drags ki vajah se vah dard mahasoos karta raha. Bili jaisi hi aur bhi ghatnaaon ki vajah se tamaam kaidi jhareele injekshan ke bajaay ilektrik chair ki maang kar rahe hain. Jhareele injekshan ka samarthan karne vaale daava karte hain ki is tareeke se kam dard hota hai. Vaheen Miller aur Tennessee ki jail mein band tamaam kaidi jhareele injekshan ya ilektrik chair ke bajaay goli se maarane ki vakaalat kar rahe hain. Ilektrik chair ke jriye kisi insaan ko marne mein do se 15 minute tak ka vakt lagta hai. Ismein aparaadhi ko 30 second tak 500 se 2,000 vaut ka jhatka diya jaata hai. Ek baar jhatka dene ke baad shareer thanda hone ka intajaar kiya jaata hai, jiske baad Doctor check karta hai ki dil ab bhi dhadk raha hai ya naheen. Tennessee ke padosi raajya Alabama mein 2018 ki shuruaat mein jab kuchh kaidiyon ko vikalp diya gaya, to 50 se zyaada kaidiyon ne injekshan ke bajaay naaitrojan gas ke chamber mein marana pasand kiya. Vaise abhi kisi bhi ameriki raajya mein ilektrik chair mrutyudand dene ka mukhya tareeka naheen hai. Jaurjiya aur Nebraska ki adaalatein ilektrik chair ko asamvaidhaanik bataati hain. Haalaanki, Miller ke maamale mein ilektrik chair ko asamvaidhaanik naheen maana jaaega, kyonki yeh tareeka usane khud chuna hai. Ameriki mein 1890 ke dashak tak faansi dena mrutyudand ka sabse prachalit tareeka tha. Fir ilektrik chair ne iski jagah le li. America mein jhareele injekshan ka pehli baar 1982 mein teksas mein istemaal kiya gaya tha. Fir dheere-dheere poore desh mein yahi tareeka prachalit ho gaya.

Aparaadhi Ne Jhareele Injekshan Ke Bajaay Maangi Maut Ki Ilektrik Chair http://www.angrejinews.com/pic/239726