Antim One-day Mein Dakshin Africa Ne New Zealand Ko Haraaya

Cricket »

Antim One-day Mein Dakshin Africa Ne New Zealand Ko Haraaya

Potachefastroom (dakshin Africa): Poorv kaptaan greem smith ke shatak ki madad se dakshin Africa ne New Zealand ke khilaaf teesare aur antim ekadivseeya cricket match mein ek wicket ki romaanchak jeet darj ki. Smith ne apna 10vaan one-day shatak jadte hue 116 run ki paari kheli, lekin dakshin Africa ko jeet dilaane ke liye all-rounder reyaan Maclaren ke paari ki antim geind par maare chhakke ki jaroorat padi, jisse mejabaan team ne New Zealand ke nau wicket par 260 run ke score ko laangha. Smith out hone vaale chhathe ballebaaj rahe. Jab vah pavilion laute, to team ko 26 geind mein 32 run ki darkaar thi. New Zealand ne iske baad kaafi dabaav banaaya, jisse mejabaan team ke teen wicket aur gire. Paari ke antim over ki paanchaveen geind par James Franklin ne Dale sten ko catch kara diya, lekin isse Maclaren ko strike par aane ka mauka mila. Franklin ne match ki antim geind short feinki aur Maclaren ne iska poora faayda uthaate hue geind ko backward square leg par darshakon ke beech pahuncha diya. Is jeet ke saath dakshin Africa teen maichon ki shrunkhala mein whitewash se bach gaya, lekin use shrunkhala mein 1-2 se shikast ka saamana karna pada.

Antim One-day Mein Dakshin Africa Ne New Zealand Ko Haraaya http://www.angrejinews.com/pic/384