Anna Ne Kendra Sarkaar Ke Janlokpal Vidheyak Ke Masaude Ko Nakaara

Breaking »

Anna Ne Kendra Sarkaar Ke Janlokpal Vidheyak Ke Masaude Ko Nakaara

Patna: Gandhivadi aur prakhyaat samaajasevi anna hajaare ne kendra sarkaar ke prastaavit Janlokpal vidheyak ke masaude ko khaarij karte hue guruvaar ko kaha ki aise Janlokpal vidheyak ke aane se koi faayda naheen hone vaala hai. Patna mein patrakaaron se charcha karte hue unhonne kaha ki sarkaar ko aisa sashakt Janlokpal vidheyak laana chaahiye, jisse bhrashtaachaar par ankush lagaaya ja sake. Unhonne kaha ki Janlokpal ko lekar sarkaar naatak kar rahi hai. Unhonne kendreeya jaanch bureau ko svayatta dene ki maang karte hue kaha ki ve apni Janlokpal ki ladaai tab tak jaari rakheinge jab tak ki sarkaar ek sashakt Janlokpal vidheyak naheen laati. Unhonne kaha ki February se ve desh ke sabhi raajyon mein jaaenge aur logon ko sangathit kar bhrashtaachaar ke khilaaf ladaai ladne ke liye jagaaenge. Unhonne kaha ki February mein ve Andhra Pradesh aur Karnataka sahit chaar raajyon ka daura kareinge. Unhonne kaanoon banaane mein janta ki sahabhaagita karne ki maang doharaai. Gujarat ke mukhyamantri Narendra Modi ke pradhaanamantri pad ke ummeedavaar ke vishay mein poochhe jaane par unhonne kaha ki Gujarat mein ek lokaayukt naheen banaaya ja saka hai, aise mein kaise maana ja sakta hai ki unamein bhrashtaachaar se ladne ke liye ichha hai. Anna Budhvaar ko Patna ke Gandhi maidaan mein jantantra rally mein jantantra morcha ke gathan ki ghoshana ki thi. Anna mangalvaar ko Patna pahunche the.

Anna Ne Kendra Sarkaar Ke Janlokpal Vidheyak Ke Masaude Ko Nakaara http://www.angrejinews.com/pic/670