Anjaam Tak Naheen Pahunchati Hai 'David Ki Kahaani

Movies »

Anjaam Tak Naheen Pahunchati Hai 'David Ki Kahaani

Mumbai: Bijoy Nambiar ki 'David' mein hain, teen David jo alag−alag saal mein alag−alag jagah paida hote hain. Pehle David hain, neel nitin mukesh, jinki kahaani London mein chalti hai aur is kahaani mein neel ek gangster 'Ghani ke daaen haath hain. Donon ka rishta kisi baap-bete ke rishte se kam naheen hai. Saath hi, is kahaani mein kuchh bhaavanaatmak parate hain. Ghani ki talaash hai Bhaarat sarkaar ko aur vah use maarane ke liye kuchh jaanbaaz sipaahi bhejate hain aur shuroo hota hai thoda action, emotion aur dagaabaaji ka silsila. Doosare David hain dakshin ke superstar vikram, jinki patni unhein shaadi ke din chhodakar bhaag jaati hai aur vah din-raat sharaab ke nashe mein doobe rahate hain. Unki maan unki doosari shaadi karaana chaahati hain, par vikram taiyaar naheen hain. . . Par jab unki najar roma yaani isha sharavaani par padti hai, to vah unase shaadi karne ki purazor koshish karte hain. Dilchasp baat yah hai ki yah ladki David ke dost ki mangetar hai. Film ki yah kahaani kai jagah hansaati hai. Vikram ne achha abhinay kiya hai. Teesare David hain vinaya virmaani, jo ek isaai parivaar se hain. Unke pita hain naseer, jo ek church ke father hain. Teesare David ki do bahne hain. Yah David ek sangeetakaar banana chaahata hai, par haalaat ko yah manjoor naheen. Is kahaani ka ek hissa Orissa mein ghati ek sachchi ghatna se joda gaya hai. Film ka sandesh hai, "Jo aapko aaj sahi lagta hai, ho sakta hai vah kal aapko galat lage". . . Is film mein neel aur vikram ki kahaani aapka manoranjan karne mein thodi safal ho sakti hai aur in donon hi abhinetaaon ne kaam bhi achha kiya hai. Saath hi isha bhi film mein achhi lageen. Teesari kahaani aapko baandhane mein naakaam ho sakti hai, lekin mudda yah hai ki film mein itne David hone ke baavajood kahaani kisi anjaam tak naheen pahunchati. Sirf ek falasafe ko saabit kar filmkaar darshakon ka kaise manoranjan kar sakte hain. Agar teenon kahaani ek hi manjil par pahunchati, tab koi baat ban sakti thi, par aisa naheen huaa. Film ki cinematography aur editing achhi hai. Meri taraf se film ko 2 star. . .

Anjaam Tak Naheen Pahunchati Hai 'David Ki Kahaani http://www.angrejinews.com/pic/767