Andy Marre Sannyaas Leinge, Australia Open Antim Tournament Ho Sakta Hai

Sports »

Andy Marre Sannyaas Leinge, Australia Open Antim Tournament Ho Sakta Hai

Melbourne, 11 January (eefapi) tennis ke diggaj khilaadi Andy marre ne bhaavuk hokar shukravaar ko kaha ki koolhe ki surgery ke baad dard ke kaaran agale saptaah se shuroo ho raha Australiaee open unke career ka aakhiri tournament ho sakta hai. vishv ranking mein poorv mein number ek khilaadi rahe teen baar ke grandslam vijeta marre yahaan samvaadadaata sammelan mein bhaavuk ho gaye aur unki aankhein nam ho gayi. Unhonne kaha ki unka dard kai baar asahaneeya ho jaata hai. Scotland (Britain) ke 31 saal ke is khilaadi ne kaha, '' main kamiyon ke saath khel sakta hoon. Lekin kamiyaan aur dard mujhe pratiyogita ya prashikshan ka lutf naheen uthaane de rahe. '' unhonne kaha ki vah apne ghareloo grandslam Wimbledon ke saath career ko khatm karna chaahate hain lekin unhonne maana ki unke liye tab tak khelna mushkil hoga. '' marre ko 77 saal mein Wimbledon jeetne vaale pehle british khilaadi ke taur par jaana jaata hai jo is khel ke svarnim kaal mein Roger Federer, novaak jokovich aur raafel Nadal jaise khilaadiyon ke saath sheersh par pahunche. unhonne kaha, '' main Wimbledon khel kar sannyaas lena chaahata hoon. Lekin main is baat ko lekar aashvast naheen hoon ki tab tak khel paaunga. Main lambe samay se sangharsh kar raha hoon. Main is baat ko lekar aashvast naheen hoon ki aur chaar-paanch maheene khel paaunga. '' pichhle satr mein unhonne September mein shenajhen mein apna aakhiri tournament khela tha. Is satr mein Brisbane mein vah doosare daur mein haarakar baahar ho gaye. Australiaee open mein vah pehle daur mein 22veen vareeyata praapt robarto batista aagut ke khilaaf kheleinge. unhonne kaha, '' main is match mein kheloonga, main ek star tak khel sakta hoon lekin us star tak naheen jaisa khel kar main khush rah sakoon. '' marre ne Wimbledon mein 2013 mein jeet darj kar is tournament mein khitaab ke Britain ke 77 saal ke sookhe ko khatm kiya tha. Unase pehle fred pairi ne yeh khitaab jeeta tha. marre ne 2016 mein bhi is khitaab ko dobaara apne naam kiya tha. isse pehle unhonne 2012 mein ameriki open final mein chaar ghante 54 minute tak chale mukaabale mein jokovich ko haraakar 1936 mein khitaab jeetne vaale pairi ki baraabari ki thi. eefapi aanand sudheerasudheer.

Andy Marre Sannyaas Leinge, Australia Open Antim Tournament Ho Sakta Hai http://www.angrejinews.com/pic/247138