Amethi Mein Modi Ne Kaha, Badla Lene Naheen Badlaav Laane Aaya Hoon

Breaking »

Amethi Mein Modi Ne Kaha, Badla Lene Naheen Badlaav Laane Aaya Hoon

Amethi: BJP ke PM ummeedavaar Narendra Modi ne amethi mein BJP pratyaashi smruti Irani ke paksh mein ek chunaavi sabha ko sambodhit karte hue Modi ne Congress upaadhyaksh Rahul Gandhi ke iske saath hi us daave ko khaarij kar diya vah 'Aakrosh ki raajaneeti' karte hain. Is seat se maujooda saansad Rahul Gandhi ek baar fir chunaavi maidaan mein hain, to aam aadmi party ne Kumar vishvaas ko pratyaashi banaaya hai. Yahaan saat April ko matadaan hona hai. Modi ne kaha, 'Main yahaan badla lene naheen aaya hoon. Main is kshetr mein badlaav laane ke liye aaya hoon jiski Gandhi parivaar ne 40 varsh tak pratinidhitv karne ke baad bhi upeksha ki. Aapne sirf yahaan parivaar ke rishte ka havaala diya, lekin is kshetr ke vikaas ke liye kuchh naheen kiya. ' chunaav prachaar ka samay poora hone se kuchh minute pehle apna bhaashan khatm karte hue Modi ne kaha, 'Main yahaan Rahul Gandhi ko pareshaan karne naheen aaya hoon. Vah pehle se hi pareshaan aatma hain. ' Modi ne smruti ko apni 'Chhoti bahan aur pratinidhi' bataaya aur kaha, 'Ab parivaar aur kshetr ke beech rishte ko khatm karne ka vakt aa gaya hai. Logon ke saath dhokha hua hai. ' amethi ki vikaas hogi praathamikta amethi mein vikaas ke abhaav ka aarop lagaate hue Modi ne kaha ki is kshetr ke logon ne Gandhi parivaar ko 40 saal pyaar diya, lekin unke saath dhokha hua. Unhonne is kshetr ke baalika vidyaalayon mein shauchaalayon ki kami ko rekhaankit kiya. Modi ne kaha, 'Jab mainne apni chhoti bahan smruti Irani ko uttar pradesh bheja to mainne unhein amethi bhejane ke baare mein socha naheen tha. Amethi bahut pichhda hua hai. Mainne amethi ko 60 maheene mein poori tarah badalne ka faisala kiya hai. Doosare vishvavidyaalayon ke log yahaan adhyayan ke liye aaenge. ' Gandhi parivaar par saadha nishaana soniya Gandhi aur Rahul Gandhi par nishaana saadhate hue Modi ne kaha, 'Aapne paap kiya hai. 40 varsh tak aapne teen peedhiyon ko dhokha diya, jinki jindagi barbaad ho gayi aur unke sapane chakanaachoor ho gaye. . . Main yahaan aapke (logon ke) sapanon ko apna banaane aur aapke dard ko lene aaya hoon. ' amethi mein Modi ka prachaar karna khaasa aham hai kyonki yahaan aksar Congress ke virodhi dalon ke bade neta prachaar karne naheen aate the. Modi ne 'Rahul bhaiya' par hamla bolte hue kaha ki aakrosh ki raajaneeti 'Ghamandi' Congress ke yahaan hoti hai. Rahul ne Modi par 'Aakrosh ki raajaneeti' karne ka aarop lagaaya tha. isi sandarbh mein Modi ne kaha ki Rajiv Gandhi ne Congress mahaasachiv rahate hue Andhra pradesh ke mukhyamantri ti anjaiya ko havaai adde par ek baar saarvajanik taur par 'Gaali di' 'Apamaanit kiya' tha. Anjaiya 1980 se 1982 ke beech mukhyamantri the. (padhein - Priyanka ka Modi par javaabi prahaar) bhaajapa ke pradhaanamantri pad ke ummeedavaar ne kaha 1998 mein Congress ke adhyaksh pad se seetaaraam kesari ko hataaya gaya kyonki 'Maidam soniya Gandhi' unase naaraaj theen aur party ki kamaan apne haath mein lena chaahati theen. Modi ne poorv pradhaanamantri PV narasimha Rao ke saath hue vyavahaar ko lekar kaha, 'Jab unka (Rao) nidhan hua to unke saath bahaadur shaah jafar jaisa vyavahaar kiya gaya aur Delhi mein antim sanskaar ke liye jameen ka ek tukada bhi naheen diya gaya. ' bhaajapa neta ne Rahul Gandhi dvaara keindreeya mantrimandal dvaara manjoor adhyaadesh ko 'Bakavaas' kahe jaane ko lekar bhi nishaana saadha. Unhonne kaha ki Rahul ne pradhaanamantri Manmohan Singh ko 'Apamaanit' kiya aur isko hi 'Aakrosh' kehte hain. iske alaava soniya par tanj kasate hue Modi ne kaha, 'Main ek maan ki chinta samajh sakta hoon. Pichhle 10 varshon se vah prayaas kar rahi hain ki unka beta apne pairon par khada ho jaae. Parantu unka prayaas naakaam dikhaai deta hai aur vah chintit mahasoos karti hain. ' haal hi mein soniya ne kaha tha ki Modi khud ko pehle hi pradhaanamantri maankar chal rahe hain. Is par Modi ne kaha, 'Maidam soniya ji, aapke munh mein ghi shakkar. ' unhonne kaha ki soniya aur Rahul yeh sochakar asahaj ho rahe hain ki ek chaayavaala 'Shaasak' ko kaise chunauti de sakta hai.

Amethi Mein Modi Ne Kaha, Badla Lene Naheen Badlaav Laane Aaya Hoon http://www.angrejinews.com/pic/49658